அடுத்த மாதம் வாஜ்பாய் அமெரிக்கா பயணம்

நியூயார்க்

குஇந்தியப் பிரதமர் வாஜ்ாய் அடுத்த மாதம் அமெரிக்கா செல்கிறார். ஒரு வார காலம் அவர் அமெரிக்காவில் சுற்றுப் பயணம் செய்கிறார்.

கடந்த ஆண்டு செப்டம்பர் 11ம் தேதி நியூயார்க்கில் தீவிரவாதிகள் தாக்குதல் நடத்தியன் ஓராண்டு நிறைவடைவதையொட்டி அந்த நகரமேயர் ஏற்பாடு செய்துள்ள தீவிரவாத எதிர்ப்பு மாநாட்டில் வாஜ்பாய் பங்கேற்கிறார்.

இந் நிகழ்ச்சியில் உலகில் பல்வேறு நாட்டுத் தலைவர்களும் பங்கேற்க உள்ளனர்.

இதற்காக அமெரிக்கா செல்லும் வாஜ்பாய் அந் நாட்டு அதிபர் ஜார்ஜ் புஷ் உள்பட பல நாட்டுத் தலைவர்களையும் சந்தித்துப் பேசுகிறார்.ஐக்கிய நாடுகள் சபையிலும் வாஜ்பாய் உரையாற்றுகிறார்.

செப்டம்பர் 11ம் தேதி முதல் 17ம் தேதி வரை வாஜ்பாய் அமெரிக்காவில் தங்கியிருப்பார்.

வாஜ்பாயின் இந்த நிகழ்ச்சிகள் குறித்து இறுதி செய்ய அதிகாரிகள் குழு அடுத்த வாரம் அமெரிக்கா விரைகிறது.