திமுகவினர் மீது போலீஸ் தாக்குதல்: மதுரை மேயர், முன்னாள் சபாநாயகருக்கு நிபந்தனை ஜாமீன்

சென்னை:

மதுரையில் திமுகவினர் நடத்திய நெசவாளர்களுக்கு கஞ்சி வழங்கும் நிகழ்ச்சியின் போது போலீசார் நடத்தியதாக்குதலைத் தொடர்ந்து கைது செய்யப்பட்ட முன்னாள் சபாநாயகர் பி.டி.ஆர். பழனிவேல்ராஜன் மற்றும் மதுரைமாநகர மேயர் செ. ராமச்சந்திரன் ஆகியோர் உள்பட 100 திமுகவினருக்கு சென்னை உயர் நீதிமன்றம் நிபந்தனைஜாமீன் வழங்கியுள்ளது.

கடந்த 9ம் தேதி மதுரை-செல்லூர் பகுதியில் ஏழை நெசவாளர்களுக்காக கஞ்சித் தொட்டி திறந்த திமுகவினர்,இந்நிகழ்ச்சிக்கு அக்கட்சியின் இளைஞரணித் தலைவர் மு.க. ஸ்டாலின், பழனிவேல்ராஜன், ராமச்சந்திரன், முன்னாள்அமைச்சர் தா. கிருஷ்ணன் உள்பட பலரையும் அழைத்திருந்தனர்.

ஆனால் இதற்காக திமுகவினர் அமைத்த மேடைக்கு அருகிலேயே நெசவாளர்களுக்கு முட்டை பிரியாணிவழங்குவதற்காக அதிமுகவினர் மற்றொரு மேடை போட்டிருந்தனர்.

இதையடுத்து அப்பகுதியில் பெரும் பரபரப்பும் பதற்றமும் ஏற்பட்டது. இதைத் தொடர்ந்து திமுகவினர் மீதுபோலீசார் பயங்கரத் தாக்குதல் நடத்தினர். இதில் கிருஷ்ணன் உள்ளிட்ட ஏராளமான திமுகவினர் பலத்தகாயமடைந்தனர். ஸ்டாலின் சிறிது தாமதமாக வந்ததால், போலீசார் தாக்குதலிலிருந்து தப்பி விட்டார்.

பின்னர் பழனிவேல்ராஜன், ராமச்சந்திரன் உள்ளிட்ட 100 திமுகவினரைப் போலீசார் கைது செய்தனர். மூன்றுநாட்களுக்குப் பின்னர் மருத்துவமனையில் சிகிச்சை பெற்றுக் கொண்டிருந்த கிருஷ்ணன் உள்ளிட்ட மேலும் ஐந்துதிமுகவினரும் கைது செய்யப்பட்டனர்.

இதற்கிடையே பழனிவேல்ராஜன் மற்றும் ராமச்சந்திரன் ஆகியோர் உள்ளிட்ட 100 திமுகவினர் தங்களுக்கு ஜாமீன்கோரி உயர் நீதிமன்றத்தில் மனுக்களைத் தாக்கல் செய்தனர்.

இம்மனுக்களை விசாரித்த சென்னை உயர் நீதிமன்றம் அனைவரையும் ஜாமீனில் விடுவிக்க உத்தரவிட்டது.

அவரை நிபந்தனை ஜாமீனில் விடுவிக்க வேண்டும் என்றும் உயர் நீதிமன்ற நீதிபதி குலசேகரன் உத்தரவிட்டார்.

முன்னதாக, கைது செய்யப்பட்ட அனைத்து திமுகவினருமே கடந்த வாரம் மதுரை குற்றவியல் நீதிமன்றத்தில் ஜாமீன்கேட்டு மனு தாக்கல் செய்திருந்தனர். ஆனால் அவர்களுடைய மனுக்களை அந்த நீதிமன்றம் நிராகரித்து விட்டதுகுறிப்பிடத்தக்கது.