ஷெகாவத் இன்று துணை ஜனாதிபதியாக பதவியேற்பு

டெல்லி:

ராஜஸ்தான் முன்னாள் முதல்வருமான பா.ஜ.கவின் மூத்த தலைவர்களில் ஒருவருமான பைரோன் சிங் ஷெகாவத்இன்று இந்தியாவின் 12வது துணை ஜனாதிபதியாகப் பதவியேற்கவுள்ளார்.

ஜனாதிபதி மாளிகையில் நடைபெறும் இதற்கான விழாவில் ஷெகாவத்துக்கு ஜனாதிபதி டாக்டர் ஏ.பி.ஜே. அப்துல்கலாம் பதவிப் பிரமாணம் செய்து வைக்கிறார்.

பிரதமர் வாஜ்பாய், துணைப் பிரதமர் அத்வானி, மத்திய அமைச்சர்கள், முன்னாள் ஜனாதிபதிகள், முன்னாள்பிரதமர்கள், தமிழக முதல்வர் ஜெயலலிதா உள்ளிட்ட முக்கிய பிரமுகர்கள் இந்தப் பதவியேற்பு விழாவில் கலந்துகொள்கின்றனர்.

துணை ஜனாதிபதியாக ஒரு பா.ஜ.க. தலைவர் இப்போது தான் பதவியேற்கவுள்ளார் என்பது குறிப்பிடத்தக்கது.

கடந்த 12ம் தேதி நடந்த துணை ஜனாதிபதி தேர்தலில் காங்கிரஸ் கட்சியின் வேட்பாளரான சுசில் குமார்ஷிண்டேயைவிட 149 வாக்குகள் அதிகமாகப் பெற்று ஷெகாவத் வெற்றி பெற்றார்.