அப்துல் கலாமை நெருக்கும் மத்திய அரசு

டெல்லி:

கிரிமினல் குற்றம் செய்த அரசியல்வாதிகளுக்கு ஆதரவாக இருப்பதால் ஜனாதிபதி கலாம் திருப்பி அனுப்பிய மக்கள் பிரதிநிதித்துவ சட்டத்திருத்தத்தை மீண்டும் அவரிடம் அனுப்பி வைத்து கையெழுத்து வாங்க மத்திய அரசு முடிவு செய்துள்ளது.

தேர்தலில் போட்டியிடும் ஒருவர் ஏதாவது வழக்கில் தண்டனை பெற்றிருந்தால் அது குறித்த விவரங்களை தேர்தல் கமிஷனுக்குத் தெரிவிக்கவேண்டும் என்ற விதிமுறையை மத்திய அரசு தளர்த்தி புதிய சட்டத் திருத்தம் கொண்டு வந்துள்ளது.

வழக்கில் தண்டனை பெற்ற ஒரு அரசியல்வாதி அதை தேர்தல் கமிஷனுக்குத் தெரிவிக்க வேண்டியதில்லை என்றரீதியில் இந்தச் சட்டத்திருத்தம் உள்ளது.

இதை ஜனாதிபதியின் ஒப்புதலுக்காக மத்திய அரசு அனுப்பியது. ஆனால், இந்தச் சட்டம் கிரிமினல் குற்றம் செய்த அரசியல்வாதிகளுக்குஆதரவாக இருப்பதால் அதில் கையெழுத்திட கலாம் மறுத்துவிட்டார்.

விளக்கம் கேட்கும் கலாம்:

வழக்கில் தண்டனை பெற்ற வேட்பாளர் அந்த விவரத்தை தேர்தல் கமிஷனிடம் ஏன் தெரிவிக்கக் கூடாது, அதை ஏன் வேண்டாம் என்றுநினைக்கிறீர்கள் என்று கேட்டு இந்தச் சட்டத் திருத்தத்தை திருப்பி அனுப்பினார் கலாம்.

இது மத்திய பா.ஜ.க. அரசுக்கு பெரும் அதிர்ச்சியை அளித்துள்ளது. தங்களால் ஜனாதிபதியாக்கப்பட்ட கலாம் தாங்கள் சொல்லும் இடத்தில்கையெழுத்துப் போடுவார் என்ற நினைத்திருந்த மத்திய அரசுக்கு பெரும் கலக்கம் ஏற்பட்டுள்ளது.

கலாமுக்கு நெருக்குதல் தர முடிவு:

இதையடுத்து அவருக்கு நெருக்குதல் கொடுத்து அதில் கையெழுத்து வாங்க மத்திய அரசு முடிவு செய்துள்ளதாகத் தெரிகிறது. சட்டத்திருத்தத்தை கலாம் திருப்பி அனுப்பியது குறித்து இன்று பிரதமர் வாஜ்பாய் தலைமையில் அமைச்சரவை விவாதித்து. லண்டனில் இருந்துஇன்று காலை டெல்லி திரும்பிய துணைப் பிரதமர் அத்வானியும் இதில் கலந்து கொண்டார்.

இக் கூட்டத்தில் சட்டத் திருத்தத்தை அப்படியே மீண்டும் கலாமுக்கே அனுப்பி வைக்கவும் அதில் கையெழுத்து போடுமாறு அவரைநிர்பந்திக்கவும் முடிவு செய்யப்பட்டுள்ளதாகத் தெரிகிறது.

எந்த ஒரு விவகாரத்திலும் அமைச்சரவையின் பரிந்துரையை ஒரு முறை தான் ஜனாதிபதியால் நிராகரிக்க முடியும். மீண்டும் அமைச்சரவைநிர்பந்தித்தால் அவர் கட்டுப்பட்டு தான் ஆக வேண்டும்.

ஆனால், அதே நேரத்தில் எந்த முடிவும் எடுக்காமல் இந்தச் சட்டத் திருத்த்தை அப்படியே கிடப்பில் போட்டு வைத்து தாமதப்படுத்தவும்ஜனாதிபதிக்கு உரிமை உண்டு என்பது குறிப்பிடத்தக்கது.

கலாம் என்ன செய்யப் போகிறார் என்று தெரியவில்லை.