கருணாநிதிக்கு கமல் நன்றி
சென்னை:
உடல் தானம் செய்ததற்காக வாழ்த்துத் தெரிவித்துள்ள திமுக தலைவர் கருணாநிதிக்கு நடிகர் கமல்ஹாசன்வாழ்த்துத் தெரிவித்துள்ளார்.
கமல் சமீபத்தில் தனது உடலை சென்னை மருத்துவக் கல்லூரிக்கு தானம் செய்தார். இதையடுத்து அவரை வாழ்த்திகருணாநிதி தனது முரசொலி பத்திரிக்கையில் உடன்பிறப்புகளுக்கு எழுதியுள்ள கடிதத்தில் பாராட்டியிருந்தார்.
இந்த பாராட்டுக்கு கமல் நன்றி தெரிவித்துள்ளார். இதுகுறித்து கருணாநிதிக்கு அவர் எழுதியுள்ள கடிதத்தில்,
அன்புள்ள அய்யா, வணக்கம். நெகிழ்விக்க தெரிந்தோர் மனதில்தானே உடனே நெகிழ்தல் நிகழும்!
தமிழையும், தமிழர் உள்ளங்களையும், பல மாமாங்கங்களாய் அவ்வப்போது நெகிழ வைக்கும் தங்களைப் போன்றமூதறிஞர் வாயால் வாழ்த்துப் பெற்றதில் நெகிழ்ந்தது நானும் தான்.
இந்திய மக்கள் எனக்குக் கனிவுடன் தந்திருக்கும் இந்த சிறிய நட்சத்திர அந்தஸ்தை நற்செயல்களுக்குப்பயன்படச்செய்வதே எனது நோக்கம்.
உடல் தானம் என்கிற சமுதாய நேயமுள்ள செயலை நானே முன்னோடியாக நின்று செய்து விடவில்லை என்பதைமுற்றும் உணர்கிறேன். பெயர் தெரியாத பல தியாகிகளின் வாரிசாக இருப்பதில் நான் பெருமை கொள்கிறேன்.
தங்களுடைய அன்பு வார்த்தைகள், தொடர்ந்து நற்செயல்களில் ஈடுபட்டு வரும் என்னை ஊக்குவிப்பதாகமட்டுமின்றி, எனது பெயரில் இயங்கி வரும் நற்பணி இயக்கத் தோழர்களுக்கும் பெரும் உற்சாகத்தைஏற்படுத்தியுள்ளது. உங்களுக்கு எனது நெஞ்சார்ந்த நன்றி என்று கூறியுள்ளார் கருணாநிதி.