ஜெயலலிதாவுக்கு "செலக்டிவ் அம்னீசியா": அஜித் ஜோகி

சென்னை:

தமிழக முதல்வர் ஜெயலலிதாவுக்கு "செலக்டிவ் அம்னீசியா" வந்துள்ளதாகவும் அதனால் தான் தேவையேஇல்லாமல் சிலவற்றை மறந்து விட்டு பலரையும் விமரிசித்து வருகிறார் என்றும் காங்கிரஸ் மூத்த தலைவரும்சத்தீஸ்கர் முதல்வருமான அஜித் ஜோகி கூறினார்.

மூப்பனாரின் முதலாவது ஆண்டு நினைவு தின நிறைவு நாள் நிகழ்ச்சியில் கலந்துகொள்ள சென்னை வந்த அவர்விமான நிலையத்தில் செய்தியாளர்களிடம் பேசுகையில்,

சோனியா காந்தி தலைமையில் அமையும் காங்கிரஸ் அரசுக்கு ஆதரவு தருவதாக தெளிவாக தனது கடிதத்தில்கூறியுள்ளார் ஜெயலலிதா. ஒரு அரசுக்கு யார் தலைமை தாங்குவார்கள்? பிரதமர் தான் தலைமை தாங்குவார்.

சிலவற்றை மட்டும் மறந்து விடும் "செலக்டிவ் அம்னீஷியா" என்ற நோய் ஜெயலலிதாவை பீடித்துள்ளது.அதனால்தான் குறிப்பிட்டவற்றை மறந்து விட்டு ஏதேதோ பேசுகிறார்.

தன் மீது போடப்பட்டுள்ள கிரிமினல் வழக்குகளிலிருந்து எப்படி விடுபடுவது என்ற பயம் அவருக்கு வந்துவிட்டது. தண்டனை கிடைத்தால் என்ன செய்வது என்ற பயமும் உள்ளது.

அதனால் தான் அத்வானி போன்றவர்களைத் திருப்திப்படுத்தும் வகையில் சோனியா காந்தியைத் தாக்கிஜெயலலிதா பேசி வருகிறார் என்றார் ஜோகி.