கருணாநிதி உடல் நிலை குறித்து சென்னையில் திடீர் வதந்தி

சென்னை:

திமுக தலைவர் கருணாநிதியின் உடல் நிலை குறித்து சென்னையில் நேற்று இரவு வதந்தி பரவியது. இருப்பினும்கருணாநிதி நல்ல உடல் நலத்துடன் இருப்பதாகத் தெரிய வந்த பிறகே திமுக தொண்டர்கள் நிம்மதியாக உறங்கச்சென்றனர்.

புதன்கிழமை இரவு 10 மணியளவில் கருணாநிதிக்கு உடல் நலக்குறைவு ஏற்பட்டுள்ளதாக செய்தி பரவியது.

இதைத் தொடர்ந்து நகரின் பல்வேறு பகுதிகளிலும் இவ்விஷயம் பரவியதையடுத்து திமுக தொண்டர்கள் மத்தியில்பெரும் பதற்றம் ஏற்பட்டது.

அண்ணா அறிவாலயத்திற்கும், கருணாநிதியின் வீட்டிற்கும் தொண்டர்கள் வந்து குவியத் தொடங்கினர்.

இதையடுத்து, கருணாநிதி நல்ல உடல் நலத்துடன் இருப்பதாகவும், அவருக்கு உடல் நலக்குறைவு ஏற்படவில்லைஎன்றும் திமுக தலைமையும், கருணாநிதியின் குடும்பத்தாரும் கூறினர்.

இதேபோல சன் டிவியிலும் கருணாநிதி நலமுடன் இருப்பதாக உடனடியாக "பிளாஷ்" செய்தி ஒளிபரப்பானது.

இதன் பிறகே தொண்டர்கள் நிம்மதியுடன் அங்கிருந்து அகன்றனர்.