ஸ்டாலின், சன் டிவி தமிழ்ப் பெயரா? - ராம கோபாலன் சாட்டையடி

சென்னை:

கோவில்களில் சமஸ்கிருதம் இருக்கக் கூடாது என்று கூறும் திமுக தலைவர் கருணாநிதி, அவரது மகனுக்குவைத்துள்ள ஸ்டாலின் என்ற பெயர் தமிழ்ப் பெயரா, சன் டிவி என்பதும் தமிழ்ப் பெயரா என்பதையும் விளக்கவேண்டும் என்று இந்து முன்னணி தலைவர் ராம கோபாலன் கடுமையாக சாடியுள்ளார்.

கரூர் அருகே கோவிலில் தமிழில் குடமுழுக்கு விழா நடந்தது தொடர்பாக எழுந்துள்ள சர்ச்சையின் தொடர்ச்சியாகசமஸ்கிருதத்திற்கும், அதை ஆதரிப்பவர்களுக்கும் தமிழகத்தில் இடம் இல்லை என்று கூறினார்.

இதற்கு பல்வேறு விதமான எதிர்ப்பும், ஆதரவும் எழுந்துள்ளது.

இந்நிலையில் ராம கோபாலனும் கருணாநிதிக்கு கடுமையான கண்டனத்தைத் தெரிவித்துள்ளார். அவர் விடுத்துள்ளஅறிக்கையில்,

கோவில்களில் சமஸ்கிருதம் கூடாது என்று கூறும் கருணாநிதி, மசூதிகளில் அரபியில் தொழுகை நடத்தக் கூடாதுஎன்றும் கூறுவாரா?

அலேலுயா என்று கூறுகிறார்கள், அதற்கு என்ன அர்த்தம் என்று அவருக்கு தெரியுமா?

தன் மகனுக்கு ஸ்டாலின் என்று பெயர் வைத்துள்ளாரே, அது என்ன தமிழ்ப் பெயரா? அவரது குடும்பத்தினர்நடத்தும் டிவிக்கு சன் டிவி என்று பெயர் வைத்துள்ளனரே, அதுவும் தமிழ்ப் பெயர்தானா?

இதற்கெல்லாம் கருணாநிதி கட்டாயம் விளக்கம் அளிக்க வேண்டும் என்று கடுமையாக கேட்டுள்ளார் ராமகோபாலன்.