மேட்டூர் அணையின் நீர்மட்டம் வேகமாக குறைகிறது

சேலம்:

மேட்டூர் அணையின் நீர்மட்டம் மிக வேகமாகக் குறைந்து வருகிறது. கர்நாடகம் திறந்து விட்டதாக கூறப்படும்தண்ணீர் இன்னும் வந்து சேராததால், அணையின் நீர் மட்டம் வெகுவாக குறைந்து வருகிறது.

தினசரி 10,000 கன அடி நீரை மிகுந்த பாதுகாப்புக்கிடையே திறந்து விடுவதாக கர்நாடகம் கூறுகிறது. ஆனால்இதுவரை முழு அளவில் அந்தத் தண்ணீர் மேட்டூர் வந்து சேரவில்லை.

தற்போது அணையில் 53 அடி நீர் மட்டுமே இருப்பு உள்ளது. அணைக்கு வினாடிக்கு 636 கன அடி நீர் மட்டுமேவந்து கொண்டுள்ளது. அணையிலிருந்து வினாடிக்கு 11,992 கன அடி நீர் வெளியேற்றப்பட்டுக் கொண்டுள்ளது.

மேட்டூர் அணையிலிருந்து கல்லணைக்கு 8100 கன அடி நீரும், வெண்ணாற்றுக்கு 527 கன அடி நீரும், கல்லணைக்கால்வாய்க்கு 2241கன அடி நீரும் திறந்து விடப்படுகிறது.