நாளை தமிழக ரயில்களை குறிவைத்து மறியல் போராட்டம்: கோவை ரயில் ரத்து

பெங்களூர்:

தமிழகத்துக்கு காவிரியில் நீர் விடக் கூடாது என்று வலியுறுத்தி நாளை பெங்களூரில் ரயில் மறியல் போராட்டம் நடத்த கன்னட அமைப்புகள்திட்டமிட்டுள்ளன. இதையடுத்து பெங்களூர்- கோயம்புத்தூர் இடையிலான இன்டர்சிட்டி எக்ஸ்பிரஸ் ரயில் நாளை ரத்துசெய்யப்பட்டுள்ளது.

போலீசார் உரிய நடவடிக்கை எடுக்காவிட்டால் நாளை தமிழகத்துக்கான பிற ரயில்களின் போக்குவரத்தும் பாதிக்கப்படும் அபாயம்உள்ளது.

தமிழர்களை தீவிரவாக எதிர்த்து வரும் கன்னட சாளுவளி கட்சியின் தலைவர் வாட்டாள் நாகராஜ், தமிழர் மீதான தாக்குதலில் முக்கிய பங்குவகிக்கும் நாராயண குமார் ஆகியோரின் தலைமையில் இந்தப் போராட்டம் நடக்கிறது.

இந்தப் போராட்டத்தில் கலந்து கொள்ள இதற்காக மாண்டியா, மைசூர், பெங்களூர் ஊரக மாட்டங்களில் இருந்து டிராக்டர்கள், லாரிகள்,வேன்களில் ஆயிரக்கணக்கான விவசாயிகள் நாளை பெங்களூர் வருவார்கள் என விவசாயிகள் சங்கத் தலைவர் புட்டண்ணா கூறியுள்ளார்.

மெஜஸ்டிக் ரயில் நிலையம், கண்டோன்மென்ட், ஒயிட் பீல்ட், கிருஷ்ணராஜபுரம் ஆகிய ரயில் நிலையஙகளில் நுழைந்து ரயில்களைத்தடுப்போம் என இவர்கள் எச்சரித்துள்ளனர்.

கடந்த சில வாரங்களாகவே மாண்டியா, மைசூரில் தொடர்ந்து இவர்கள் நடத்தி வரும் ரயில் மறியலால் அந்தப் பகுதியில் ரயில்போக்குவரத்து அடியோடு பாதிக்கப்பட்டுள்ளது.

பஸ்களையும் அவ்வப்போது தடுத்து வருவதால் அப் பகுதி மக்கள் பெரும் சிரமத்துக்குள்ளாகி வருகின்றனர்.

இந் நிலையில் வாட்டாள் ரயில் மறியல் போராட்டத்தை அறிவித்துள்ளார். குறிப்பாக தமிழகத்தில் இருந்து வரும் ரயில்களை இந்தக்கும்பல்கள் குறி வைக்கலாம்.

இதையடுத்து நாளை கோவையில் இருந்து பெங்களூர் வரும் ரயிலும் பெங்களூரில் இருந்து கோயமபுத்தூர் செல்லும் ரயிலும் ரத்துசெய்யப்பட்டுள்ளதாக தென்னக ரயில்வே அறிவித்துள்ளது.

மேலும் கோயம்புத்தூரில் இருந்து புறப்படும் குர்லா எக்ஸ்பிரஸ் ரயிலின் நேரம் மாற்றப்பட்டுள்ளது. இந்த ரயில் காலை 5.15 மணிக்குப்பதிலாக காலை 11.00 மணிக்குத் தான் கோயம்புத்தூரில் இருந்து புறப்படும் என்று அறிவிக்கப்பட்டுள்ளது.

இந்த சமூக விரோதிகள் தமிழகத்தில் இருந்து வரும் பிற ரயில்களைத் தாக்கவும் வாய்ப்புள்ளது. இதனால் அவற்றுக்கு போதிய பாதுகாப்பு தரவேண்டும்.

ஆனால், கர்நாடக அரசு இந்தப் போராட்டத்தை கண்டுகொள்ளாமல் இருக்க நிறைய வாய்ப்புக்கள் உள்ளன. இதனால் தமிழக பயணிகள்பயணத்தை ஒத்தி வைப்பது அல்லது பஸ்களில் பெங்களூர் வருவது நல்லது.

-->