ரஜினி போராட்டத்துக்கும் காங்கிரஸ், பா.ஜ.க. ஆதரவு

சென்னை:

நெய்வேலியில் தமிழ் திரையுலகினர் நடத்தும் போராட்டத்திற்கு ஆதரவு தெரிவித்துள்ள தமிழக காங்கிரசும்,பா.ஜ.கவும் சென்னையில் நடிகர் ரஜினிகாந்த் நடத்தும் உண்ணாவிரதப் போராட்டத்தில் கலந்து கொள்ளப்போவதாகவும் கூறியுள்ளன.

தமிழகத்திற்கு காவிரியில் நீர் திறந்து விட மறுக்கும் கர்நாடகத்திற்கு மின்சாரம் தரக் கூடாது என்று வலியுறுத்திவரும் 12ம் தேதி தமிழ் திரையுலகினர் பேரணிப் போராட்டம் நடத்தவுள்ளனர்.

இந்தப் போராட்டத்திற்கு ஆதரவளிப்பதாக தமிழக காங்கிரஸ் சமீபத்தில் கூறியது.

இந்நிலையில் நெய்வேலி போராட்டத்தில் கலந்து கொள்ளப் போவதில்லை என்றும் சென்னையில் வரும் 12ம்தேதியோ அல்லது 13ம் தேதியோ உண்ணாவிரதம் இருக்கப் போவதாகவும் இன்று ரஜினி நிருபர்களிடம்தெரிவித்தார்.

இதையடுத்து ரஜினி நடத்தும் உண்ணாவிரதப் போராட்டத்தில் காங்கிரஸ் கட்சியும் கலந்து கொள்ளும் என்றுஅக்கட்சியின் தலைவர் சோ. பாலகிருஷ்ணன், செயல் தலைவர் இளங்கோவன் ஆகியோர் இன்று வெளியிட்டுள்ளஅறிக்கையில் கூறியுள்ளனர்.

இதற்கிடையே தமிழக பா.ஜ.கவின் பொதுச் செயலாளரான இல. கணேசன் இன்று ரஜினிகாந்த்துக்கு போன் செய்துஅவருடைய உண்ணாவிரதப் போராட்டத்திற்கு தன்னுடைய ஆதரவைத் தெரிவித்தார்.