கர்நாடக ஆளுநரின் பாதுகாப்பு கார் மீது தமிழக லாரி மோதல்: அதிகாரி பலி

பெங்களூர்:

கர்நாடக ஆளுநரின் பாதுகாப்புக்கு வந்த கார் மீது தமிழக லாரி மோதியதில் சப்-இன்ஸ்பெக்டர் பலியானார்.

இன்று காலை பெங்களூரில் இருந்து ஆளுநர் சதுர்வேதி, சித்ரதுர்காவுக்குப் புறப்பட்டார். தும்கூர் அருகே தேசியநெடுஞ்சாலையில் சென்றபோது ஆளுநரின் பாதுகாப்புக்காக முன்னாள் சென்று கொண்டிருந்த போலீஸ் காரின் மீது எதிரில் வந்ததமிழக லாரி மோதியது.

இதில் அந்த கார் அப்பளமானது. காரில் இருந்த ஆளுநரின் பாதுகாப்பு அதிகாரியான சப்-இன்ஸ்பெக்டர் அந்த இடத்திலேயேஉயிரிழந்தார். மேலும் 2 காவலர்கள் காயமடைந்தனர். இவர்கள் பெங்களூர் கொண்டு வரப்பட்டு மருத்துவமனைகளில்அனுமதிக்கப்பட்டுள்ளனர்.

இந்த விபத்தில் கவர்னரின் காருக்கு எந்த சேதமும் ஏற்படவில்லை.

-->