அரசியல் சார்பற்ற இயக்கம் தொடங்க ராமதாஸ் முடிவு
திண்டிவனம்:
கட்சி சார்பற்ற இயக்கம் ஒன்றை ஆரம்பிக்கப் போவதாக பாமக நிறுவனர் டாக்டர் ராமதாஸ் தெரிவித்தார்.
நதிகளை இணைப்பது தொடர்பாக விழிப்புணர்வை ஏற்படுத்துவதற்காக கட்சி சார்பற்ற இயக்கம் ஆரம்பிக்கப்போவதாக நடிகர் ரஜினிகாந்த் கூறியுள்ள நிலையில், தானும் கட்சி சார்பற்ற அமைப்பு ஒன்றை ஆரம்பிக்கப்போவதாக ராமதாஸ் கூறியுள்ளார்.
திண்டிவனத்தில் செய்தியாளர்களிடம் ராமதாஸ் பேசுகையில்,
கட்சிக்கு அப்பாற்பட்டு, சமுதாய நலனைக் கருத்தில் கொண்டு ஒரு அமைப்பை துவங்க திட்டமிட்டுள்ளேன்.அடுத்த ஆண்டு இந்தப் புதிய அமைப்பு தொடங்கப்படும்.
இந்த அமைப்புக்கும் அரசியலுக்கும் துளிக்கூட தொடர்பு இருக்காது. முழுக்க முழுக்க சமுதாய நலனைக் கருத்தில்கொண்டதாக இந்த அமைப்பு இயங்கும் என்றார் ராமதாஸ்.
ரஜினி இயக்கம் ஆரம்பிக்கப் போவதாக கூறியுள்ள நலையில், ரஜினியுடன் கடுமையாக மோதி வரும் ராமதாஸும்அதுபோன்ற அறிவிப்பை வெளியிட்டிருப்பது குறிப்பிடத்தக்கது.