ரயில் நிலையத்துக்கு குண்டு மிரட்டல்: அல்-உம்மா கைவரிசை?

கடலூர்:

கடலூர் மாவட்டம் விருத்தாச்சலம் ரயில் நிலையத்துக்கு வெடிகுண்டு மிரட்டல் வந்துள்ளது. இதையடுத்து அங்குதீவிர சோதனை நடத்தப்பட்டு பாதுகாப்பு பலப்படுத்தப்பட்டுள்ளது.

ரயில் நிலையத்தின் ஸ்டேசன் மாஸ்டருக்கு வந்த கடிதத்தில்,

கேரள மக்கள் ஜனநாயகக் கட்சித் தலைவர் மதானியையும், பிற அல்-உம்மா கைதிகளையும் விடுவிக்க தமிழகஅரசு நடவடிக்கை எடுக்க வேண்டும். இல்லாவிட்டால் ரயில் நிலையம் குண்டு வைத்துத் தகர்க்கப்படும் என்றுகூறப்பட்டிருந்தது.

மதானி மற்றும் பிறர் விடுவிக்கப்படாவிட்டால் எக்ஸ்பிரஸ் ரயில்களிலும் குண்டுகள் வைக்கப்படும் என்றும் அதில்மிரட்டப்பட்டுள்ளது.

இதனால் ரயில்களில் சோதனைகள் தீவிரப்படுத்தப்பட்டுள்ளன.