சீனா-இந்தியா இடையே விரைவில் நேரடி விமானம்

பெய்ஜிங்:

சீனாவிலிருந்து இந்தியாவுக்கு விரைவில் நேரடி விமான சேவை தொடங்க உள்ளது.

இது குறித்து இன்று மத்திய சுற்றுலாத்துறை அமைச்சர் ஜக்மோகன் பெய்ஜிங்கில் நிருபர்களிடம் கூறுகையில்,

இது தொடர்பாக சீன சுற்றுலாத்துறை அமைச்சருடன் பேசினேன். அவர் விமான சேவையைத் தொடங்க ஒப்புக்கொண்டார். சீனாவின் இரு விமான நிறுவனங்கள் இந்த சேவையில் ஈடுபட ஆர்வமாக உள்ளன என்றார்.

ஆனால், இந்தியன் ஏர்லைன்சிடம் போதிய விமானங்கள் இல்லாததால் உடனடியாக சீனாவுக்கு விமானசேவையைத் தொடங்க இயலாத நிலையில் இந்தியா உள்ளதாகத் தெரியவந்துள்ளது.