போலீஸ் வேட்டையில் சிக்கிய "பகவதி", "வில்லன்": 8 பேர் கைது

சேலம்:

சேலம் நகரில் ரூ.6லட்சம் மதிப்புள்ள திருட்டு விசிடிக்கள் பறிமுதல் செய்யப்பட்டன. இது தொடர்பாக 8 பேர் கைதுசெய்யப்பட்டனர்.

சேலத்தில் திருட்டு விசிடிக்களின் புழக்கம் அதிகமாகி விட்டதாக சி.பி.சி.ஐ.டி. போலீஸாருக்கு தகவல் வந்தது.

இதைத் தொடர்ந்து பல்வேறு வீடியோ கடைகளில் போலீஸார் அதிரடி சோதனை நடத்தினர்.

சமீபத்தில் தீபாவளிக்கு வெளியான "பகவதி", "வில்லன்" உள்ளிட்ட புதுப்படங்களின் திருட்டு விசிடிக்கள்அப்போது பறிமுதல் செய்யப்பட்டன. இவற்றின் மொத்த மதிப்பு ரூ.6 லட்சம் ஆகும்.

இது தொடர்பாக 8 பேர் மீது வழக்குப் பதிவு செய்து அவர்களை போலீஸார் கைது செய்தனர்.

-->