சாத்தான்குளத்தில் போட்டியிட காங்கிரஸ் விருப்பம்

திருநெல்வேலி:

சாத்தான்குளம் தொகுதி இடைத் தேர்தலில் காங்கிரஸ் கட்சி போட்டியிடும் என்று அக்கட்சித் தலைவர் சோ.பாலகிருஷ்ணன் கூறியுள்ளார்.

திருநெல்வேலி மாவட்டம் வள்ளியூரில் செய்தியாளர்களிடம் அவர் பேசுகையில்,

சாத்தான்குளம் தொகுதி எம்.எல்.ஏ. மணி நாடார் காலமாகி விட்டதால் அத்தொகுதி காலியிடமாகியுள்ளது.

இங்கு நடக்கும் இடைத் தேர்தலில் போட்டியிட காங்கிரஸ் கட்சி விருப்பப்படுகிறது. இதுதொடர்பாக கட்சிமேலிடத்திற்குப் பரிந்துரைக்கப்படும்.

சாத்தான்குளம் தொகுதியில் போட்டியிடப் போவதாக அதிமுக கூறியுள்ளது. அங்கு அந்தக் கட்சிக்கு மக்கள்சரியான பாடம் புகட்டுவார்கள் என்றார் சோ.பா.

-->