தங்கம் விலை குறைஞ்சு போச்சு!

சென்னை:

தீபாவளிப் பண்டிகை முடிந்து விட்ட நிலையில் தமிழகத்தில் தங்கம் விலை மிக வேகமாக சரிந்து வருகிறது.

தீபாவளிப் பண்டிகையையொட்டி தமிழகம் முழுவதும் தங்க நகைகள் விற்பனை அமோகமாக இருந்தது. இதனால்நகை விலையும் அதிகரித்தது. தற்போது தீபாவளி முடிந்து விட்டதால் நகை வாங்குவோரின் எண்ணிக்கை குறைந்துவிட்டது. இதனால் தங்கத்தின் விலையும் குறைய ஆரம்பித்துள்ளது.

1 பவுன் ஆபரணத் தங்கத்தின் விலை ரூ. 40 வரை குறைந்துள்ளது. தீபாவளிக்கு முன் 1 கிராம் தங்கம் 492 ஆகஇருந்தது. இப்போது அது ரூ. 487 ஆக குறைந்துள்ளது.

அதேபோல, 10 கிராம் 24 கேரட் தங்கத்தின் விலை ரூ. 5,315 ஆக இருந்தது. இப்போது அதன் விலை ரூ. 5,255ஆக குறைந்துள்ளது.

இதேபோல் வெள்ளி நகைகளின் விலையும் கணிசமான அளவில் குறைந்துள்ளது. புத்தாண்டையொட்டி மீண்டும்நகை விலை அதிகரிக்கும் என்று நகைக் கடைக்காரர்கள் கூறினர்.