திருட்டு ஆடியோ, வீடியோ சி.டி. விற்ற 17 பேர் கைது

சென்னை:

சென்னையில் திருட்டு ஆடியோ மற்றும் வீடியோ சிடிக்களை விற்பனை செய்து வந்த 17 பேர் கொண்ட கும்பலைபோலீஸார் கைது செய்தனர்.

சென்னையில் திருட்டு விசிடியின் நடமாட்டம் போலவே திருட்டு ஆடியோ சிடிக்களின் நடமாட்டமும்அதிகரித்துள்ளது.

ஒரிஜினல் படங்களின் எம்பி-3 கேசட்டுகள் மற்றும் ஆடியோ சிடிக்கள் அதிக அளவில் புழக்கத்தில் இருப்பதால்புதுப் படங்களின் ஆடியோ சிடிக்கள் விற்பனை பாதிக்கப்பட்டது.

இதையடுத்து தமிழ்த் திரைப்படத் தயாரிப்பாளர்கள் சங்கத் தலைவர் முரளிதரன் போலீஸில் புகார் கொடுத்தார்.அந்தப் புகாரின் அடிப்படையில் சிந்தாதிரிப்பேட்டை, தி. நகர் ரங்கநாதன் தெரு, அண்ணா சாலை ரிச்சி தெருஉள்ளிட்ட பகுதிகளில் போலீஸார் திடீர் சோதனை நடத்தினர்.

அப்போது 1,818 திருட்டு எம்பி-3 கேசட்டுகள், 1000 ஆடியோ சிடிக்கள் ஆகியவை சிக்கின. திருட்டு ஆடியோசிடி தயாரிக்க உதவிய கருவிகளும் பறிமுதல் செய்யப்பட்டன.

மேலும் ஆயிரக்கணக்கான வீடியோ சிடிக்களையும் போலீசார் பறிமுதல் செய்தனர். கைப்பற்றப்பட்ட அனைத்துசிடிக்களின் மொத்த மதிப்பு ரூ.5 லட்சம் ஆகும்.

இதுதொடர்பாக சுல்தான், ஆறுமுகம், செல்வம், பாலாஜி உள்ளிட்ட 17 பேரை போலீஸார் கைது செய்தனர். உடனடிநடவடிக்கை எடுத்த போலீஸாருக்கு முரளிதரன் நன்றி தெரிவித்தார்.

-->