ஐயப்ப சீசனால் சரிந்த முட்டை விலை

நாமக்கல்:

ஐயப்ப சீசன் தொடங்கிவிட்டதால் ஆட்டு இறைச்சி, கோழிக்கறி, மீன் மற்றும் முட்டை ஆகியவற்றுக்கு டிமாண்ட்குறைந்துவிட்டது. அதே நேரத்தில் காய்கறிகளுக்கு தேவை அதிகரித்துள்ளது.

இதனால் மிக மோசமாக பாதிக்கப்பட்டிருப்பது முட்டை வியாபாரிகள் தான்.

இந்தியாவிலேயே மிக அதிகமாக முட்டை உற்பத்தி செய்யும் மாநிலம் தமிழ்நாடு. நாமக்கல்லில் மட்டும் ஒருநாளைக்கு லட்சக்கணக்கில் முட்டைகள் உற்பத்தி செய்யப்படுகின்றன.

சமீப காலமாக நாமக்கல்லில் முட்டை உற்பத்தி அதிகரித்துள்ளது. இந் நிலையில் ஐயப்ப சீசன் வந்துவிட்டது.இதனால், அதிக அளவில் முட்டைகள் தேங்க ஆரம்பித்துள்ளன. இதனால் அதன் விலை கடுமையாக சரிந்துள்ளது.

நாமக்கல் பகுதியில் வழக்கமாக தினசரி சுமார் 2 லட்சம் முட்டைகள் உற்பத்தியாவதுண்டு. ஆனால், இப்போதுமுட்டை உற்பத்தி மேலும் அதிகரித்துள்ளது.

ஐயப்ப சீசன் தவிர, கார்த்திகை, மார்கழி மாதங்களில் அசைவ உணவு சாப்பிடுவோர் எண்ணிக்கை குறைவுஎன்பதால் இந்த முட்டைகள் தேங்கி வருகின்றன.

கடந்த வாரம் ஒரு முட்டை விலை ரூ. 1.25 ஆக இருந்தது. நேற்று முட்டை விலை ரூ. 1.10 ஆக இருந்தது. இன்றுதமிழகத்தின் பல இடங்களில் 1 ரூபாய்க்கு முட்டை விற்க்கப்பட்டது.

-->