"வலம்புரியார்" ஆன வலம்புரி ஜான்

சென்னை:

விடுதலைச் சிறுத்தைகள் அமைப்பின் பொதுச் செயலாளர் திருமாவளவனின் கோரிக்கைக்கு ஏற்ப தன் பெயரை"வலம்புரியார்" என்று மாற்றிக் கொண்டுள்ளார் வலம்புரிஜான்.

எந்த மதத்தையும் சாராதவர்கள் தலித் மக்கள். அவர்கள் தமிழர்கள் என்ற அடையாளத்துடன் மட்டுமேஇருப்பார்கள். எனவே மதம் தொடர்பான பெயர்களை சுத்தத் தமிழ்ப் பெயர்களாக மாற்றிக் கொள்வோம் எனவிடுதலைச் சிறுத்தைகள் அழைப்பு விடுத்தது.

இது தொடர்பாக சமீபத்தில் சென்னையில் நடந்த நிகழ்ச்சியில் பலரும் பெயர் மாற்றம் செய்து கொண்டனர்.

திருமாவளவனின் கருத்தில் உடன்பாடு கொண்டு, மதம் சார்ந்த தன் பெயரை "வலம்புரியார்" என்று மாற்றிக்கொண்டுள்ளதாக வலம்புரிஜான் கூறியுள்ளார்.

இனிமேல் "வலம்புரியார்" என்ற பெயரிலேயே தான் கையெழுத்துப் போடப் போவதாகவும் அவர் கூறியுள்ளார்.

சன் டி.வியில் "இந்த நாள் இனிய நாள்" என்ற நாளொரு சிந்தனைத் தொடரை வழங்கி வந்தார் இவர் என்பதுநினைவிருக்கலாம்.