சாத்தான்குளத்தில் ஜன. 8ல் காமராஜர் நூற்றாண்டு விழா

தூத்துக்குடி:

தூத்துக்குடி மாவட்டம் சாத்தான்குளத்தில் காமராஜரின் நூற்றாண்டு விழாவுக்கு ஏற்பாடு செய்யப்பட்டிருப்பதாககாங்கிரஸ் தலைவர்களில் ஒருவரும், முன்னாள் மத்திய அமைச்சருமான தனுஷ்கோடி ஆதித்தன் கூறினார்.

சாத்தான்குளத்தில் விரைவில் இடைத் தேர்தல் நடைபெறவுள்ளது. இந்நிலையில் அங்கு பெரும் விழா ஒன்றைநடத்தி காங்கிரஸ் தொண்டர்களை உற்சாகப்படுத்த காங்கிரஸ் கட்சி முடிவு செய்துள்ளது. இதையடுத்துகாமராஜரின் நூற்றாண்டு விழாவையே அங்கு கொண்டாட காங்கிரஸ் தலைவர்கள் திட்டமிட்டுள்ளனர்.

இதுதொடர்பாக தனுஷ்கோடி ஆதித்தன் கூறுகையில்,

அகில இந்திய அளவில் காங்கிரஸ் தலைவர்கள் இவ்விழாவில் கலந்து கொள்வார்கள்.

அவர்கள் தவிர மார்க்சிஸ்ட் கம்யூனிஸ்ட், இந்திய கம்யூனிஸ்ட், விடுதலைச் சிறுத்தைகள், புதிய தமிழகம், மக்கள்தமிழ் தேசம், காங்கிரஸ் ஜனநாயகப் பேரவை, இந்திய முஸ்லீம் லீக், சிறுபான்மை அமைப்புகளின் தலைவர்கள்ஆகியோரும் இந்த மாநாட்டில் கலந்து கொள்ளவுள்ளனர்.

ஜனவரி 8ம் தேதி நடைபெறும் இந்த மாநாடு, இடைத் தேர்தல் பிரசாரத்திற்கான முதல் படியாகவும் அமையும்என்றார் தனுஷ்கோடி ஆதித்தன்.

-->