நாளை பிறக்கிறது 2003: தலைவர்கள் வாழ்த்து
சென்னை:
நாளை 2003ம் ஆண்டு பிறப்பதையொட்டி ஜனாதிபதி டாக்டர் ஏ.பி.ஜே. அப்துல் கலாம், தமிழக ஆளுநர்ராமமோகன் ராவ், முதல்வர் ஜெயலலிதா, திமுக தலைவர் கருணாநிதி உள்ளிட்ட தலைவர்கள் மக்களுக்கு வாழ்த்துதெரிவித்துள்ளனர்.
இன்றுடன் 2002ம் ஆண்டு முடிந்து நாளை புத்தாண்டு பிறக்கிறது. இதையொட்டி தலைவர்கள் வாழ்த்துதெரிவித்துள்ளனர்.
டாக்டர் கலாம்:
நாட்டு மக்களுக்கு ஜனாதிபதி தன்னுடைய புத்தாண்டு வாழ்த்துக்களைத் தெரிவித்துள்ளார் ஜனாதிபதி. தன்னுடையவாழ்த்துச் செய்தியில்,
நாம் அனைவருமே கடுமையாக உழைக்க வேண்டிய காலகட்டத்தில் உள்ளோம்.
பல்வேறு சிரமங்கள் இருந்தாலும் நம் நாட்டை வளர்ந்த நாடாக மாற்றுவதற்காக நாம் கட்டாயம் உழைத்தே ஆகவேண்டும்.
நாட்டிலுள்ள 100 கோடிக்கும் அதிகமான மக்கள் அனைவரின் மனத்திலும், அமைதியும் உறுதியும் திகழவாழ்த்துகிறேன் என்று கூறியுள்ளார் டாக்டர் கலாம்.
ராமமோகன் ராவ் வெளியிட்டுள்ள வாழ்த்து அறிக்கையில், தமிழக மக்கள் அனைவருக்கும் புத்தாண்டுவாழ்த்துக்களைத் தெரிவித்துக் கொள்வதாகக் கூறியுள்ளார்.
ஜெயலலிதா:
ஜெயலலிதா வெளியிட்டுள்ள வாழ்த்துச் செய்தியில்,
நாளை மலரவுள்ள புத்தாண்டின்போது நாடு செழிக்கட்டும். நலன்கள் கொழிக்கட்டும்.
புத்தாண்டில் தமிழக மக்கள் அனைவரும் புது மலர்ச்சியுடன், புது வளர்ச்சி பெற்று புது எழுச்சியுடன் வாழவாழ்த்துகிறேன்.
கடந்த 2002ல் தமிழகம் சாதித்த சாதனைகள் ஏராளம். ஆனால் அந்த சாதனைகள் போதாது. இன்னும் சாதிக்கவேண்டியவை ஏராளமாக உள்ளன.
வறட்சி, நிதி நெருக்கடி என பல இடர்பாடுகளுக்கிடையிலும் தமிழகம் முன்னேறிக் கொண்டிருப்பதற்கு தமிழகமக்களின் உள்ள உறுதியும், ஈடுபாடுமே காரணம்.
வருகிற 2003ம் ஆண்டிலும் இந்த சாதனை தொடர உறுதி எடுப்போம் என்று கூறியுள்ளார் ஜெயலலிதா.
கருணாநிதி:
கருணாநிதி தன்னுடைய வாழ்த்து அறிக்கையில், இந்தப் புத்தாண்டில் நாட்டு மக்கள் அனைவரும் எல்லா நலமும்பெற்று வாழ வாழ்த்துகிறேன் என்று கூறியுள்ளார்.
வாசன், சோபா, இளங்கோவன்:
தமிழக காங்கிரஸ் தலைவர் சோ. பாலகிருஷ்ணன், செயல் தலைவர் இளங்கோவன் மற்றும் கட்சியின் அகில இந்தியபொதுச் செயலாளர் ஜி.கே. வாசன் ஆகியோர் கூட்டாக புத்தாண்டு வாழ்த்துக்களைத் தெரிவித்துள்ளனர்.
தீவிரவாதத்தை ஒழித்து மத நல்லிணக்கமும், அமைதியும் தழைத்தோங்குவதற்காகப் பாடுபட இந்தப் புத்தாண்டில்உறுதி மொழி எடுப்போம் என்று அவர்கள் கூறியுள்ளனர்.
டாக்டர் ராமதாஸ்:
வறுமையை விரட்டி, வளமான தமிழகத்தை உருவாக்க இந்தப் புத்தாண்டில் உறுதி கூறுவோம் என்று பா.ம.க.நிறுவனர் டாக்டர் ராமதாஸ் வாழ்த்தியுள்ளார்.
அதேபோல் இந்திய கம்யூனிஸ்ட் கட்சியின் மாநிலப் பொதுச் செயலாளர் நல்லக்கண்ணு உள்ளிட்டவர்களும்மக்களுக்குப் புத்தாண்டு வாழ்த்துக்களைக் கூறியுள்ளனர்.
-->