சென்னையில் இன்றும் அனல் காற்று வீசும்

சென்னை:

சென்னை நகரில் இன்றும், நாளையும் அனல் காற்று வீசும் என்று வானிலை ஆராய்ச்சி நிலையம்தெரிவித்துள்ளது.

சென்னை நகரில் கடந்த சில நாட்களாக கடும் வெயில் அடித்து வருகிறது. வரலாறு காணாத இந்த வெயில்காரணமாக சாலைகளில் மக்கள் நடமாட்டம் வெகுவாக குறைந்து விட்டது.

இதற்கிடையே, கடந்த சில நாட்களாக வீசி வரும் அனல் காற்று மேலும் 2 நாட்களுக்கு நீடிக்கும் என்று வானிலைஆராய்ச்சி நிலையம் தெரிவித்துள்ளது. இருப்பினும் மாலை நேரங்களில் வானம் மேக மூட்டத்துடன் காணப்படும்என்றும் லேசான மழைக்கு வாய்ப்புள்ளதாகவும் தெரிவித்துள்ளது.

வழக்கம்போல் தமிழகத்தில் அரக்கோணத்தில் தான் நேற்று அதிகபட்சமாக 112 டிகிரி வெயில் பதிவாகியுள்ளது.வேலூரில் 110 டிகிரியும், திருச்சியில் 107 டிகிரியும், சேலம், மதுரையில் 106 டிகிரியும், பாளையங்கோட்டையில்103 டிகிரியும், நாகப்பட்டிணம், பாண்டிச்சேரியில் 101 டிகிரியும் வெப்பம் பதிவானது.

மற்ற இடங்களில் வெப்ப நிலை 100 டிகிரிக்குக் குறைவாகவே இருந்தது.