ஜூலை 1 முதல் மீண்டும் இந்தியா- பாக் பஸ் சேவை

டெல்லி:

ஜூலை முதல் தேதியில் இருந்து பாகிஸ்தானுக்கு பஸ் சேவையை மீண்டும் தொடங்க இந்தியா முடிவு செய்துள்ளது.

இது குறித்து வெளியுறவுத்துறையின் சார்பில் போக்குவரத்துத்துறை, பாதுகாப்புத்துறை மற்றும் நிதியமைச்சகஅதிகாரிகளின் கூட்டம் நடத்தப்பட்டது. அதில் தான் பஸ் சேவையை வரும் ஜூலை மாதத்தில் இருந்துதொடங்குவது என முடிவு செய்யப்பட்டுள்ளது.

பழைய பஸ்களை ஒதுக்கிவிட்டு ஏ.சி. வசதி கொண்ட புதிய பஸ்களை வாங்கவும் முடிவெடுக்கப்பட்டுள்ளது. அதேபோல பாகிஸ்தானும் ஜூலை 1ம் தேதி முதல் இந்தியாவுக்கு பஸ் சேவையைத் தொடங்கும் என்று தெரிகிறது.