தொழிற்சங்கங்களுக்கு அரசு அங்கீகாரம் ரத்து: தலையிடுகிறது சர்வேதச தொழிற்சங்கம் !

சென்னை:

தமிழக அரசு ஊழியர்கள், ஆசிரியர்கள் சங்கங்களின் அங்கீகாரம் ரத்து செய்யப்பட்டுள்ளது தொடர்பாக சர்வதேசதொழிற்சங்க அமைப்பு தலையிட்டு நடவடிக்கை எடுக்கப் போவதாக அறிவித்துள்ளது.

வேலை நிறுத்தத்தில் ஈடுபட்ட தமிழக அரசு ஊழியர்கள், ஆசிரியர்கள் சங்கங்களின் அங்கீகாரத்தை தமிழக அரசுரத்து செய்துள்ளது.

மேலும் தொழிற் சங்கத்தினர் மீதும் எஸ்மா சட்டத்தின் கீழ் நடவடிக்கை எடுக்க சட்ட நிபுணர்களுடன் அரசுஆலோசித்து வருகிறது.

இதுதொடர்பாக சர்வதேச தொழிற்சங்க அமைப்பான பொதுப் பணி ஊழியர் அமைப்பின் டெல்லி அலுவலகம்,சர்வதேச அளவில் தலைமை தொழிற்சங்க அமைப்பாக கருதப்படும் சர்வதேச தொழிலாளர் நல அமைப்பிடம்புகார் கொடுத்தது.

இதையடுத்து இந்த விவகாரத்தில் தலையிட சர்வதேச தொழிலாளர் நல அமைப்பு முடிவு செய்துள்ளது. இந்தஅமைப்பு ஐ.நா. சபையின் அங்கீகாரம் பெற்ற அமைப்பாகும்.