மாவட்டச் செயலாளர்கள் கூட்டத்தை கூட்டுகிறது திமுக

சென்னை:

தனது கட்சியின் மாவட்ட செயலாளர்கள் கூட்டத்தை அக்டோபர் 1ம் தேதி சென்னையில் கூட்டியுள்ளது திமுக.

இதுதொடர்பாக கட்சியின் பொதுச் செயலாளர் அன்பழகன் வெளியிட்டுள்ள அறிக்கையில்,

அக்டோபர் 1ம் தேதி அண்ணா அறிவாலய கலைஞர் அரங்கில், மாவட்ட செயலாளர்கள் கூட்டம் நடைபெறும்.திமுக தலைவர் கருணாநிதி கூட்டத்திற்குத் தலைமை தாங்குவார்.

இக்கூட்டத்தில் மாவட்ட செயலாளர்கள் அனைவரும் தவறாமல் கலந்து கொள்ள வேண்டும் என்று கேட்டுக்கொண்டுள்ளார்.

சமீபத்தில் நடந்த விழுப்புரம் மாநாட்டில் ஆரம்பித்து வைக்கப்பட்ட பா.ஜ.க. எதிர்ப்புக் குரல் இந்தக் கூட்டத்தில்மேலும் வலுக்கும் என்று தெரிகிறது. இதன் பின்னர் பொதுக் குழுவைக் கூட்டி பா.ஜ.க. கூட்டணிக்கு திமுக மங்களம்பாடும் என்று கூறப்படுகிறது.