சேலத்தில் வேகமாய் பரவி வரும் டெங்கு காய்ச்சல்

சேலம்:

சேலம் நகரில் டெங்கு காய்ச்சல் மிக வேகமாகப் பரவி வருவதால் மக்கள் பெரும் பீதியில் ஆழ்ந்துள்ளனர்.

மழைக் காலத்தில் அதிகமாகப் பரவும் இந்தக் காய்ச்சல் குழந்தைகளையே அதிகம் பாதிக்கிறது. இந் நிலையில்சேலம் நகரில் சமீப காலமாக டெங்குக் காய்ச்சல் பரவி வருகிறது.

இதையடுத்து சேலம் மாநகராட்சிக் கூட்டத்தில் அனைத்துக் கட்சியையும் சேர்ந்த கவுன்சிலர்களும் இந்தவிவகாரத்தைக் கிளப்பினர்.

கவுன்சிலர்களுக்கு பதிலளித்த மாநகராட்சி சுகாதார அதிகாரியான டாக்டர் சேகர், சேலத்தில் சில இடங்களில்டெங்கு பாதிப்பு இருப்பதாக தகவல் வந்துள்ளது என்றார். இருப்பினும் எத்தனை பேர் டெங்கு காய்ச்சலால்பாதிக்கப்பட்டுள்ளனர் என்பதை அவர் தெரிவிக்கவில்லை.

இதையடுத்து டெங்கு காய்ச்சல் அதிக அளவில் பரவி விடாமல் தடுக்க முன்னெச்சரிக்கை நடவடிக்கைகளைமாநகராட்சி நிர்வாகம் எடுக்க வேண்டும் என்று கவுன்சிலர்கள் வற்புறுத்தியுள்ளனர்.

சேலத்தில் டெங்கு வேகமாகவே பரவி வருவதாக சுகாதாரத் துறை அதிகாரிகள் கூறுகின்றனர்.