• search
For Quick Alerts
ALLOW NOTIFICATIONS  
For Daily Alerts
Just In

கருணாநிதியிடம் சிபிசிஐடி போலீஸ் விசாரணை

By Staff
|

சென்னை:

கன்னட நடிகர் ராஜ்குமாரை வீரப்பன் கடத்திய வழக்கு தொடர்பாக திமுக தலைவர் கருணாநிதியிடம் சிபிசிஐடிபோலீஸார் விசாரணை நடத்தினர்.

CBCID Police officers

கருணாநிதியிடம் விசாரணை நடத்த வந்த

சிபிசிஐடி போலீசார்

கன்னட நடிகர் ராஜ்குமார் கடத்தப்பட்டபோது, தமிழக மற்றும் கர்நாடக அரசுகள் மேற்கொண்ட சமரசமுயற்சிகளின்போது ஏராளமான பணம் கைமாறியதாக முன்னாள் கர்நாடக போலீஸ் டிஜிபி தினகர் தான் எழுதியபுத்தகத்தில் குறிப்பிட்டிருந்தார். கருணாநிதி வீட்டில் வைத்துத்தான் கோடிக்கணக்கில் பணம் கை மாறியதாக அவர்கூறியிருந்தார். இதையடுத்து அதையே ஒரு புகாராக வைத்துக் கொண்டு விசாரணை நடத்தப்படும் என்று சட்டசபையில் முதல்வர்ஜெயலலிதா அறிவித்திருந்தார்.

இந் நிலையில் இந்த விசாரணை தொடர்பாக திமுக தலைவர் கருணாநிதி வீட்டுக்கு சிபிசிஐடி போலீஸார் நேற்றுமாலை சென்றனர். இரண்டு சிபிசிஐடி அதிகாரிகள், கருணாநிதியின் கோபாலபுரம் வீட்டில் அவரை சந்தித்துவிசாரணை நடத்தினர்.

அவர்கள் சென்ற பின்னர் கருணாநிதி செய்தியாளர்களைச் சந்தித்தார். அப்போது, அவர் கூறியதாவது:

சிபிசிஐடி கண்காணிப்பாளர் மற்றும் இன்ஸ்பெக்டர் ஆகியோர் விசாரணைக்காக வந்திருந்தனர். ராஜ்குமார்கடத்தலின்போது அவரை மீட்க எடுக்கப்பட்ட முயற்சிகள் குறித்துக் கேட்டனர்.

ராஜ்குமார் கடத்தலின்போது தமிழக மற்றும் கர்நாடக அரசுகள் இணைந்து மேற்கொண்ட முயற்சிகள் குறித்துத்தெரிவித்தேன். வீரப்பனால் யாராவது கடத்தப்பட்டால் இரு மாநில அரசுகளும் இணைந்து மீட்பு நடவடிக்கையில்ஈடுபடுவது வழக்கம் என்று தெரிவித்தேன்.

அதேபோல, கடந்த அதிமுக காலத்தில் வீரப்பனால் கடத்தப்பட்ட காவல்துறை அதிகாரி சிதம்பரநாதனை மீட்கஅப்போதைய ஜெயலலிதா அரசு மேற்கொண்ட முயற்சிகள், வீரப்பனின் நிபந்தனைகளுக்கு கட்டுப்பட்டுஜெயலலிதா அரசு பிறப்பித்த உத்தரவுகள் ஆகியவற்றையும் அதிகாரிகளிடம் தெரிவித்தேன்.

அதே போலத்தான் எனது அரசும் செயல்பட்டது என்பதை அவர்களுக்கு நினைவூட்டி அனுப்பி வைத்தேன் என்றார்கருணாநிதி.

இதற்கிடையே கருணாநிதியின் வீட்டுக்கு சிபிசிஐடி அதிகாரிகள் வந்ததையடுத்து அவர் கைதாகப் போவதாக புரளிகிளம்பியது. இதையடுத்து ஏராளமான திமுக தொண்டர்கள் கோபாலபுரம் வீட்டு முன்பாக திரண்டிருந்தனர். Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more