தமிழகத்தில் கூட்டணிகள் மாறலாம்: கருணாநிதி சூசகம்!

சென்னை:

தமிழக அரசியல் கூட்டணிகளில், அணி மாற்றங்கள் இருக்கலாம் என்று திமுக தலைவர் கருணாநிதிதெரிவித்துள்ளார்.

காங்கிரஸ் எம்.பி. மணிசங்கர அய்யர் தன்னைச் சந்தித்துவிட்டுத் திரும்பிய பின் செய்தியாளர்களிடம் கருணாநிதிபேசுகையில்,

இப்போது எதிர்க்கட்சிகள் அனைத்தும் ஓரணியில் திரண்டு வருகின்றன என்பது உண்மைதான். இருப்பினும் இதைவைத்து புதிய கூட்டணி உருவாகிறது என்று கூறி விட முடியாது.

பல்வேறு பிரச்சினைகளில் கருத்தொற்றுமை ஏற்படுவதால் திமுகவும், காங்கிரஸும் இணைந்து செயல்படுகின்றன.இதை வைத்து எங்களுக்குள் கூட்டணி என்று கூறி விட முடியாது.

அதே நேரத்தில், தமிழக அரசியலில் கூட்டணி மாற்றங்கள் இருக்கலாம் என்பதை மறுப்பதற்கில்லை. அப்படி ஒருநிலை ஏற்பட்டால் அது மக்களுக்கு நல்லது செய்வதற்காகத்தான் இருக்கும்.

காரைக்காலில் மணிசங்கர அய்யன் உயிரைக் காப்பாற்றியது திமுக தொண்டர்கள்தான். அவர்கள்தான்அதிமுகவினரின் தாக்குதலிலிருந்து அய்யரைக் காப்பாற்றினர். இந்த விஷயத்தில் மத்திய அரசுதான் உரியநடவடிக்கை எடுக்க வேண்டும் என்றார் அவர்.