பாய்ஸ் பட ஆபாச காட்சிகளை நீக்க கிருஷ்ணசாமி 1 வாரம் கெடு
சென்னை:
பாய்ஸ் பட ஆபாச காட்சிகளை நீக்க 1 வாரம் கெடு விதித்துள்ளார் புதிய தமிழகம் கட்சித் தலைவர் டாக்டர் கிருஷ்ணசாமி.
இது குறித்து அவர் கூறுகையில்,
தற்போது வெளிவரும் தமிழத் திரைப்படங்கள் தமிழ்ப்பண்பாட்டையும் கலாச்சாரத்ததையும் சீரழிக்கும் வகையில் உள்ளன. மிதமிஞ்சிய ஆபாசமும், அரிவாள் கலாச்சாரமும், சாதிப் பிரச்சினைகளும்தான் இடம் பெற்றுள்ளன. பாடல்களும் வசனங்களும் இரட்டை அர்த்தம் கற்பிக்கின்றன.
சமீபத்தில் வெளியான பாய்ஸ் படம் ஆபாசத்ததை தூண்டுகிறது. இந்த காட்சிகளை நீக்கக் கோரி வேண்டுகோள் விடுத்தபோதும் அவை நீக்கப்படவில்லை.
எனவே படத் தயாரிப்பாளருக்கு கடைசி அவகாசமாக அடுத்த வாரம் செவ்வாய்க்கிழமைக்குள் ஆபாசக் காட்சிகளை நீக்க வேணடும் என்று கெடு விதிக்கிறோம்.
அப்படி நீக்காவிட்டால் பாய்ஸ் படம் ஓடும் தியேட்டர்கள் முன் போராட்டத்தில் இறங்குவோம். படத்தை தடை செய்யக் கோரி நீதிமன்றத்திலும் வழக்கு தொடர உள்ளோம். தமிழக அரசு இதுபோன்ற ஆபாசப் படங்களை தடை செய்ய சட்டம் கொண்டு வர வேண்டும் என்றார்.
-->