பொருளாதாரத்தில் உலகில் 3வது இடத்தை இந்தியா அடையும்: ஆய்வு தகவல்

வாஷிங்டன்:

வரும் 2050ம் வருடத்தில் பொருளாதார வளர்ச்சியில் உலகிலேயே மூன்றாவது இடத்தை இந்தியா பிடிக்கும் எனவால் ஸ்டிரீட் ஜர்னல் பத்திரிக்கையில் வெளியாகியுள்ள ஆய்வில் கூறப்பட்டுள்ளது.

உலகப் புகழ்பெற்ற பொருளாதார ஆய்வு நிறுவனமான கோல்ட்மன் சாக்ஸ் தந்துள்ள அந்த அறிக்கையில்,

தற்போது பொருளாதார நிலையில் முன்னணியில் உள்ள அமெரிக்கா, ஜப்பான், ஜெர்மனி, பிரான்ஸ், இங்கிலாந்து,இத்தாலி ஆகியவற்றை சீனா, இந்தியா, ரஷ்யா மற்றும் பிரேசில் ஆகிய நாடுகள் இணைந்து விரைவில் பின்னுக்குத்தள்ளும்.

2050ம் ஆண்டில் பொருளாதார பலத்தில் சீனா முதலிடத்திலும் அமெரிக்கா இரண்டாவது இடத்திலும் இருக்கும்.மூன்றாவது இடத்தில் இருக்கப் போகும் நாடு இந்தியா தான்.

வரும் 50 ஆண்டுகளில் இந்தியாவின் மொத்த உற்பத்தி 6 சதவீதமும், பிரேசில் நாட்டு உற்பத்தி 3.8 சதவீதமும்,சீனாவின் உற்பத்தி 4.7 சதவீதமும், ரஷ்யாவின் உற்பத்தி 3.2 சதவீதமும் உயரும்.

அதேநேரம் அமெரிக்காவின் உற்பத்தி 1.7 சதவீதம் என்ற நிலையிலேயே இருக்கும்.