ஜெ.வை வரவேற்க தயாராகும் வேலூர்!
வேலூர்:
வேலூர் நகரில் பிரச்சாரம் செய்ய வருகை தரவுள்ள முதல்வர் ஜெயலலிதாவுக்கு பிரமாண்ட வரவேற்பு கொடுக்கவேலூர் மாவட்ட அதிமுகவினர் தீவிர ஏற்பாடுகளை செய்து வருகின்றனர்.
இன்று சென்னையில் தேர்தல் பிரச்சாரத்தைத் தொடங்கும் ஜெயலலிதா வருகிற 10ம் தேதி வேலூர் செல்கிறார்.வேலூர் நாடாளுமன்றத் தொகுதி தேர்தல் பணிக்குழுத் தலைவரான அமைச்சர் பாண்டுரங்கன் தலைமையில்ஜெயலலிதாவின் பிரச்சாரத் திட்டங்கள், பேசும் இடங்கள், வரவேற்பு ஆகிய பணிகள் தீவிரமாக நடந்துவருகின்றன.
வேலூர் மாவட்ட எல்லையில் ஜெயலலிதாவுக்குப் பிரமாண்ட வரவேற்பு கொடுக்கப்படுகிறது.அதன் பிறகு வேலூர்மாவட்டத்தில் ஜெயலலிதா செல்லும் இடங்களிலெல்லாம் சிறப்பான வரவேற்புக்கு ஏற்பாடு செய்யப்பட்டுள்ளது.
வேலூர் நகரில் எங்கு பார்த்தாலும் ஜெயலலிதாவின் போஸ்டர்கள், பேனர்கள், கட் அவுட்களாக காணப்படுகிறது.வேலூர் தொகுதி அதிமுக வேட்பாளர் பையூர் சந்தானத்தை ஆதரித்து வேலூர், கோட்டை மைதானத்தில் வருகிறஞாயிற்றுக்கிழமை பொதுக் கூட்டத்தில் பேசவுள்ளார் ஜெயலலிதா.
ஜெயலலிதா வருகையொட்டி வேலூரில் பலத்த போலீஸ் பாதுகாப்பு போடப்பட்டுள்ளது.