புதுவையில் போட்டியில்லை: காங். அறிவிப்பு

டெல்லி:

புதுவைத் தொகுதியில் தனியாக வேட்பாளர்களை நிறுத்திப் போட்டியிடப் போவதில்லை என்று காங்கிரஸ்அறிவித்துள்ளது.

இது தொடர்பாக கட்சியின் செய்தித் தொடர்பாளர் கபில் சிபல் வெளியிட்டுள்ள அறிக்கையில், மாநிலங்களவைத்தேர்தலின்போது காங்கிரஸ் கட்சி வேட்பாளர்களை திமுக மற்றும் பா.ம.க. ஆதரிக்கும் என்று வாக்களித்துள்ளதால்புதுவையில் போட்டி வேட்பாளரை நிறுத்துவதில்லை என்று காங்கிரஸ் தலைமை முடிவு செய்துள்ளது.

புதுவையை பா.ம.கவுக்கு திமுக ஒதுக்கியது சரியல்ல என்று காங்கிரஸ் கருதினாலும், கூட்டணி ஒற்றுமை, தேர்தல்வெற்றி ஆகியவற்றை மனதில் கொண்டு கட்சி இந்த முடிவை எடுத்துள்ளது என்று கூறியுள்ளார்.

புதுவை தொகுதியால் ஜனநாயக முற்போக்குக் கூட்டணியில் நிலவி வந்த கருத்து வேறுபாடு காங்கிரஸ் கட்சியின்இந்த அறிவிப்பால் முடிவுக்கு வந்தது.