காங். வேட்பாளர்கள் பட்டியல் ரெடி: சிதம்பரத்துக்கு சீட் இல்லை

டெல்லி:

தமிழகத்தில் காங்கிரஸ் போட்டியிடும் 10 தொகுதிகளுக்கான வேட்பாளர்களும் இறுதி செய்யப்பட்டுவிட்டனர்.பெரிதும் எதிர்பார்க்கப்பட்ட ப.சிதம்பரத்துக்கு சிவகங்கை தொகுதி தரப்பட மாட்டாது என டெல்லி வட்டாரங்கள்தெரிவிக்கின்றன.

வேட்பாளர் ஆய்வையொட்டி தமிழக காங்கிரஸ் தலைவர் ஜி.கே.வாசன் டெல்லியில் தங்கியுள்ளார். திண்டுக்கல்,சிவகங்கை, சேலம், பழனி, திருநெல்வேலி ஆகிய தொகுதிகளுக்கான வேட்பாளர்களைத் தேர்வு செய்வதில்குழப்பம் நிலவி வந்தது.

சிவகங்கையைப் பொருத்தமட்டில், ப.சிதம்பரத்திற்கு ஒதுக்கப்படலாம் என்று எதிர்பார்க்கப்பட்டது. ஆனால்,தேர்தலுக்குப் பிறகு கட்சியை காங்கிரஸுடன் இணைக்க வேண்டும் என்று அவருக்கு காங்கிரஸ் தலைவர் சோனியாகாந்தி நிபந்தனை விதித்துள்ளார். இதை சிதம்பரம் ஏற்றால் கடைசி நேரத்தில் தொகுதி ஒதுக்கப்படலாம்என்கின்றனர்.

இப்போது இறுதியாகியுள்ள பட்டியல் விவரம்:

திண்டுக்கல்- சித்தன்

மயிலாடுதுறை- மணிசங்கர் அய்யர்

சேலம்- தங்கபாலு

ராசிபுரம்-நடேசன்

கோபிச்செட்டிப்பாளையம்- இளங்கோவன்

நீலகிரி- பிரபு

பெரியகுளம்- லாட்டரி அதிபர் ஆருண்

திருநெல்வேலி- தனஷ்கோடி ஆதித்தன்

பழனி- கார்வேந்தன்

சிவகங்கை- சுதர்சன நாச்சியப்பன்

இந்தப் பட்டியல் 2 நாட்களில் அறிவிக்கப்படலாம் என்று கூறப்படுகிறது.