இன்று திமுக வேட்பாளர்கள் அறிமுக கூட்டம்

சென்னை:

திமுக சார்பில் போட்டியிடும் 15 வேட்பாளர்களை அறிமுகம் செய்யும் கூட்டம் சென்னையில் இன்று மாலைநடக்கிறது.

நாடாளுமன்றத் தேர்தலில் 15 தொகுதிகளில் திமுக போட்டியிடுகிறது. இதில் போட்டியிடும் வேட்பாளர்களைஅறிமுகப்படுத்தும் கூட்டம் இன்று மாலை 6 மணிக்கு சென்னை புரசைவாக்கம் தானா தெருவில் நடக்கிறது.

கட்சியின் பொதுச் செயலாளர் அன்பழகன் இந்தக் கூட்டத்திற்கு தலைமை தாங்குகிறார். வேட்பாளர்களைஅறிமுகப்படுத்தி திமுக தலைவர் கருணாநிதி சிறப்புரையாற்றுகிறார். துணைப் பொதுச் செயலாளர் ஸ்டாலின்,பொருளாளர் ஆற்காடு வீராசாமி, முன்னாள் அமைச்சர்கள் துரைமுருகன், சற்குணபாண்டியன் மற்றும்பரிதிஇளம்வழுதி ஆகியோரும் கூட்டத்தில் கலந்து கொண்டு பேசுகிறார்கள். அனைவரையும் ஜே.அன்பழகன்எம்.எல்.ஏ மற்றும் பலராமன் ஆகியோர் வரவேற்றுப் பேசுகிறார்கள்.

வருகிற 22ம் தேதி காஞ்சிபுரத்தில் தனது முதல் கட்டப் பிரச்சாரத்தை கருணாநிதி தொடங்குகிறார்.