அதிமுகவுக்கு ராம்மோகன் ராவ் பிரச்சாரம்: ராமதாஸ்

சென்னை:

உண்மைக்கு மாறாகவும் ஆளும் கட்சிக்கு ஆதரவாகவும் ஆளுநர் ராமமோகன் ராவ் பேசியிருப்பதுகண்டனத்துக்குரியது என்று பா.ம.க. நிறுவனர் ராமதாஸ் கூறியுள்ளார்.

இது தொடர்பாக அவர் வெளியிட்டுள்ள அறிக்கையில்,

முதல்வர் ஜெயலலிதா பிரச்சாரத்தைத் தொடங்குவதற்கு முன்பாக, ஆளுநர் ராமமோகன் ராவ் அதிமுகவுக்குஆதரவாகத் தனது பிரச்சாரத்தைத் தொடங்கியுள்ளாரோ என்ற சந்தேகம் எழுந்துள்ளது. மகளிர்முன்னேற்றத்திற்கான திட்டங்களை தமிழக அரசு சிறப்பான முறையில் செயல்படுத்துவதாக அவர்தெரிவித்துள்ளார்.

அவரது இந்தப் பேச்சு வெளிவந்த பத்திரிக்கையிலேயே மகளிர் அமைப்புகள் ஆங்காங்கே நடத்தியபோராட்டங்கள் குறித்த செய்தியும் வெளிவந்துள்ளது. வறட்சியின் கோரப்பிடியால் பெண்கள் குழந்தைகுட்டிகளுடன் அண்டை மாநிலங்களுக்குக் குடிபெயர்ந்து வருகிறார்கள். அங்கு கொத்தடிமைகளாக வாழ்ந்துவருகிறார்கள்.

உண்மை இப்படியிருக்க ஆளுநர் பேசியிருப்பது கண்டனத்துக்குரியது, தேர்தல் நடத்தை விதிமுறைகளுக்குஎதிரானது. இவ்விஷயத்தில் குடியரசுத் தலைவர் அப்துல் கலாமின் வழிமுறையை அவரது பிரதிநிதியானராம்மோகன் ராவ் பின்பற்ற வேண்டும் என்று கூறியுள்ளார்.

தேர்தல் முடியும்வரை எந்த பொது நிகழ்ச்சியிலும் பங்கேற்பதில்லை என்று கலாம் அறிவித்திருப்பதுகுறிப்பிடத்தக்கது.