அத்வானியின் ரத யாத்திரையில் விஜயசாந்தி பங்கேற்பு

திருச்சி:

துணைப் பிரதமர் அத்வானி, குமரியில் நாளை தொடங்கும் ரத யாத்திரையில் நடிகை விஜயசாந்தியும்பங்கேற்கவுள்ளார்.

இந்தியா ஒளிர்கிறது என்ற பெயரில் துணைப் பிரதமர் அத்வானி நாளை முதல் ரத யாத்திரைமேற்கொள்ளவுள்ளார். கன்னியாகுமரியில் இந்த யாத்திரை தொடங்குகிறது.

இதற்காக பல்வேறு ஏற்பாடுகளும்,பலத்த பாதுகாப்பும் மேற்கொள்ளப்பட்டு வருகின்றன. இந் நிலையில் தெலுங்குமற்றும் தமிழ் திரைப்பட நடிகையான விஜயசாந்தி, தானும், அத்வானியின் யாத்திரையில் கலந்து கொள்ளப்போவதாகத் தெரிவித்துள்ளார்.

கன்னியாகுமரியில் தொடங்கும் யாத்திரையில் பங்கேற்பதற்காக அங்கு செல்லவுள்ளதாக அவர் தெரிவித்துள்ளார்.மேலும், தமிழகத்தில் பா.ஜ.க. மற்றும் அதிமுக வேட்பாளர்களை ஆதரித்துப் பிரசாரம் செய்யவுள்ளதாகவும் அவர்தெரிவித்துள்ளார். முதல்வர் ஜெயலலிதாவின் தீவிர சிஷ்யை விஜயசாந்தி என்பது குறிப்பிடத்தக்கது.