பிரபாகரன் போருக்கு தயாராவதாக கருணா குற்றச்சாட்டு

கொழும்பு:

அமைதி ஒப்பந்தம் அமலில் இருந்தாலும் போருக்கு பிரபாகரன் தயாராகி வருவதாக புலிகள் இயக்கத்தில் இருந்துநீக்கப்பட்ட கருணா கூறியுள்ளார்.

மட்டக்களப்புக்கு அருகே உள்ள கரடியனாறு என்ற இடத்தில் பி.பி.சிக்கு அவர் அளித்த பேட்டி விவரம்:

போருக்கு பிரபாகரன் தயாராவதால் தான் விடுதலைப் புலிகள் இயக்கத்துடன் தொடர்பை நான் துண்டித்தேன்.வன்னியில் உள்ள புலிகளின் தலைமையகம் என்னிடம் 1,000 வீரர்களை அனுப்புமாறு கோரியது.

அமைதி உடன்படிக்கை அமலில் இருக்கையில் வீரர்களை அனுப்பச் சொல்வது ஏன்?. வரும் ஏப்ரலில் நடக்கவுள்ளநாடாளுமன்றத் தேர்தலின் முடிவுகளைப் பொறுத்து மீண்டும் போருக்கு பிரபாகரன் தயாராவதாக நினைக்கிறேன்.

மேலும் தங்களது பாதுகாப்புக்கு எங்களது படைகளை பயன்படுத்தவும் புலிகளின் தலைமைகம் நினைக்கிறது.

புலிகள் செய்யும் ஒவ்வொரு செயலுக்கும் இங்குள்ள என் பகுதி மக்களுக்கு பதில் சொல்ல வேண்டிய பொறுப்பில்நான் இருக்கிறேன். இதை தலைமையில் நான் சொல்லிப் பார்த்தேன். ஆனால், அவர்கள் என்னை பெரிதாகஎடுத்துக் கொள்ளவில்லை.

எனது செயல்களால் நான் புலிகள் இயக்கத்துக்கு சதி செய்துவிட்டதாக நினைக்கவில்லை. இனியும் போரில்ஈடுபடுவதை நான் விரும்பவில்லை. இதுவரை நாம் இழந்த உயிர்களுக்கு அர்த்தம் இருக்க வேண்டும் என்றுநினைக்கிறேன். இதனால் போரை இனியும் நான் விரும்பவில்லை.

எனது தலைமையிலான பிரிவு வெளியேறிவிட்டதால் பிரபாகரனின் படை பலம் சரிந்துள்ளது. இதனால், பலரும்பயப்படும்படி எங்கள் இரு குழுக்களுக்கு இடையே மோதல் ஏதும் வராது. எங்கள் சகோதரர்களைக் கொல்லநாங்கள் தயாராக இல்லை.

அதே நேரத்தில் எங்கள் மக்களையும் வீரர்களையும் காக்க வேண்டிய பொறுப்பு எங்களுக்கு உண்டு. இதனால்வன்னி நிர்வாகம் (பிரபாகரன்) எங்களுடனான மோதலைத் தவிர்ப்பது நல்லது.

இவ்வாறு பிபிசி செய்தியாளரிடம் கருணா கூறியுள்ளார்.

புலிகளுடன் பிரிட்டிஷ் தூதர் சந்திப்பு:

இதற்கிடையே புலிகளின் அரசியல் பிரிவுத் தலைவர் தமிழ்ச்செல்வனை இலங்கைக்கான பிரிட்டிஷ் தூதர் ஸ்டீவன்இவான்ஸ் இன்று கிளிநொச்சியில் சந்தித்துப் பேசினார்.

அப்போது மட்டக்களப்பு-அம்பாறையில் நிலவும் அரசியல், பாதுகாப்பு நிலவரம் குறித்து இவானிசிடம்தமிழ்ச்செல்வன் விளக்கினார். நாடாளுமன்றத் தேர்தலை அமைதியாக நடத்த அனைத்து வகைகளிலும்உதவுவதாகவும் இவானசிடம் புலிகள் தரப்பில் உறுதியளிக்கப்பட்டது.