மதுரை கோர்ட் திறப்பு: ஜெ.வரவேண்டும்- வேங்கடபதி

சென்னை:

மதுரை உயர்நீதிமன்றக் கிளை திறப்பு விழாவில் முதல்வர் ஜெயலலிதா கலந்து கொள்ள வேண்டும் என்று மத்தியசட்டத்துறை இணை அமைச்சர் வேங்கடபதி கூறினார்.

டெல்லியிலிருந்து இன்று காலை சென்னை வந்த அவர் விமான நிலையத்தில் நிருபர்களுக்கு அளித்த பேட்டியில்கூறியதாவது:

வரும் 17ம் தேதி உச்ச நீதிமன்ற தலைமை நீதிபதிக்கு வேறு பணி இருப்பதால் மதுரை உயர்நீதிமன்றத் திறப்பு விழா24-ம் தேதிக்கு மாற்றப்பட்டுள்ளது. 24ம் நிச்சயமாக திறப்பு விழா நடைபெறும்.

மத்திய அரசு சார்பில் யார்- யார் விழாவில் பங்கேற்கிறார்கள் என்பது எனக்குத் தெரியுமாதலால், அவர்களதுபெயர்களை அறிவித்தேன். மாநில அரசு சார்பில் யார் -யார் கலந்து கொள்வார்கள் என்பதை திறப்பு விழாவிற்கானஏற்பாடுகளை செய்து வரும் சென்னை உயர்நீதிமன்ற தலைமை நீதிபதி தெரிவிப்பார்.

முதல்வர் ஜெயலலிதாவுக்கு முறையாக அழைப்பிதழ் அனுப்பப்படும். அவர் கலந்து கொள்ள வேண்டும். கலந்துகொள்வார் என எதிர்பார்க்கிறேன் என்று கூறினார்.