காட் பாதர் மார்லன் பிராண்டோ மரணம்

லாஸ் ஏஞ்சல்ஸ்:

2 முறை ஆஸ்கார் விருது பெற்ற உலகப் புகழ் பெற்ற ஹாலிவுட் நடிகர் மார்லன் பிராண்டோ (80) மரணமடைந்தார்.

நைட் கமர்ஸ், சூப்பர்மேன், காட் பாதர், ஆன் தி வாட்டர் பிரண்ட், லாஸ்ட் டேங்கோ இன் பாரீஸ் உள்ளிட்டஏராளமான படங்களில் நடித்து, சிறந்த நடிகர் என்று உலகம் முழுவதும் உள்ள சினிமா ரசிகர்களால் ஏற்றுக்கொள்ளப்பட்டவர்.

நடிப்பு பற்றி ஒப்பீடு செய்யப்படும்போது எல்லாம் இவரது பெயர் முன்மொழியப்படும். தமிழகத்தின் சிறந்தநடிகராகப் போற்றப்படும் சிவாஜி கணேசனை இவருடன் ஒப்பிட்டு மறைந்த முதல்வர் அண்ணாதுரை ஒரு முறைபேசியதுண்டு.

காட் பாதர், ஆன் தி வாட்டர் பிரண்ட் ஆகிய படங்களில் நடித்ததற்காக 2 முறை ஆஸ்கார் விருது வாங்கியவர்மார்லன் பிராண்டோ.

கடந்த சில தினங்களாக நோய் வாய்ப்பட்டிருந்த அவர் சிகிச்சைக்காக லாஸ் ஏஞ்சல்ஸ் நகரில் உள்ள ஒரு தனியார்மருத்துவமனையில் சேர்க்கப்பட்டு இருந்தார். அங்கு சிகிச்சை பலனளிக்காமல் பிராண்டோ மரணம் அடைந்தார்.