விம்பிள்டன்: இறுதி சுற்றில் செரீனா- ஷரபோவா

லண்டன்:

விம்பிள்டன் டென்னிஸ் பெண்கள் ஒற்றையர் இறுதிப்போட்டியில் செரீனா வில்லியம்ஸ் மரியா ஷரபோவாவுடன்இன்று மோதுகிறார்.

அரை இறுதி ஆட்டத்தில் செரீனா வில்லியம்ஸ் (அமெரிக்கா), அமெலி மவுரெஸ்மோவை (பிரான்ஸ்) 6-7 (4-7),7-5, 6-4 என்ற செட் கணக்கில் போராடி வென்றார்.

மற்றொரு அரை இறுதியில் ரஷியாவின் மரியா ஷரபோவா முதல்நிலை வீராங்கனையான அமெரிக்காவின்லின்ட்சே டேவன்போர்ட்டுடன் மோதினார். முதல் செட்டை 2-6 என்ற கணக்கில் ஷரபோவா தோற்றார். ஆனால்அடுத்த 2 செட்களையும் 7-6, 6-1 என்ற கணக்கில் வென்று இறுதிப் போட்டிக்குள் நுழைந்தார்.

இன்று நடைபெறும் பெண்கள் இறுதிப்போட்டியில் செரீனா வில்லியம்ஸை மரியா ஷரபோவா எதிர்கொள்கிறார்.ரஷியாவின் அன்னகோர்னிகாவை அடுத்து மரியா ஷரபோவாவும் தனது கவர்ச்சி உடைகள் மூலமும், அதிரடிஆட்டங்கள் மூலமும் டென்னிஸ் ரசிகர்களை கவர்ந்திழுத்து வருகிறார்.

கலப்பு இரட்டையர் கால் இறுதி ஆட்டம் ஒன்றில் இந்தியாவின் மகேஷ் பூபதி, ரஷியாவின் எலீனா இணை 2-6,4-6 என்ற நேர் செட்களில் அமெரிக்காவின் பாப் பிரைன்-டேவன்போர்ட் இணையிடம் தோல்வி அடைந்தது.

ஆடவர் ஒற்றையர் அரையிறுதி ஆட்டங்கள் மழை காரணமாக தடைபட்டன. நடப்புச் சாம்பியன் ரோஜர்பெடரருக்கும் (சுவிட்ஸர்லாந்து), செபாஸ்டியன் குரோஸ்ஜீனுக்கும் இடையிலான போட்டியில் பெடரர் முன்னிலைவகித்தபோது மழை குறுக்கிட்டது. இதனையடுத்து ஆட்டம் நிறுத்தப்பட்டது.

இந்த ஆட்டம் இன்று நடைபெறவுள்ளது.