சென்னை உயர்நீதிமன்றத்திற்கு மேலும் 5 நீதிபதிகள்

டெல்லி:

சென்னை உயர்நீதிமன்றத்திற்கு விரைவில் 5 புதிய நீதிபதிகள் நியமிக்கப்படவுள்ளனர்.

சென்னை உயர்நீதிமன்றத்தில் மொத்தம் 49 நீதிபதி பதவிகள் உள்ளன. இதில் 20 நீதிபதி பணியிடங்கள் காலியாகஉள்ளன. இந் நிலையில் வருகிற 24ம் தேதி மதுரையில் உயர்நீதிமன்றக் கிளை திறக்கப்படவுள்ளது. இந்தநீதிமன்றத்திற்கு 5 நீதிபதிகள் நியமிக்கப்படவுள்ளனர்.

எனவே சென்னை உயர்நீதிமன்றத்திற்கு கூடுதல் நீதிபதிகள் தேவை என்று கூறி தமிழக அரசுக்கு உயர்நீதிமன்றதலைமை நீதிபதி சுபாஷன் ரெட்டி கடிதம் எழுதினார். இதைத் தொடர்ந்து தமிழக அரசும், சென்னைஉயர்நீதிமன்றத்திற்கு கூடுதலாக 5 நீதிபதிகளை நியமிக்க பரிந்துரை செய்து மத்திய அரசுக்குக் கடிதம் அனுப்பியது.

இந்த பரிந்துரையின் பேரில் கூடுதலாக 5 நீதிபதிகளை நியமிக்க உச்சநீதிமன்ற தலைமை நீதிபதிக்கு மத்திய அரசுபரிந்துரை செய்யவுள்ளது. இதையடுத்து உச்சநீதிமன்ற தலைமை நீதிபதியின் பரிந்துரையின் பேரில்,குடியரசுத்தலைவர் புதிய நீதிபதிகள் நியமனம் குறித்து அறிவிப்பு வெளியிடுவார் என எதிர்பார்க்கப்படுகிறது.

தடைகோரி உச்சநீதிமன்றத்தில் வழக்கு:

மதுரை உயர்நீதிமன்ற கிளைத் திறப்புக்கு தடை விதிக்க வேண்டும் என்று உச்ச நீதிமன்றத்தில் மனுத்தாக்கல்செய்யப்பட்டுள்ளது.

சுப்பிரமணி என்பவர் தாக்கல் செய்துள்ள இந்த மனுவில் கூறப்பட்டுள்ளதாவது:

சென்னை உயர் நீதிமன்றத்தின் கிளையை மதுரையில் துவக்க வேண்டுமானால் அதற்கு மக்களவையில் ஒரு சட்டம்நிறைவேற்றியாக வேண்டும். ஆனால், குடியரசுத் தலைவர் உத்தரவு மட்டுமே பிறப்பிக்கப்பட்டுள்ளது. எனவேமதுரை உயர்நீதிமன்றக் கிளையை துவக்கும் அறிவிப்புக்குத் தடைவிதிக்க வேண்டும் என்று அந்த மனுவில்தெரிவிக்கப்பட்டுள்ளது.