சென்னையில் 10 மாணவ, மாணவிகள் மிஸ்ஸிங்

சென்னை:

சென்னை அயனாவரம் மாநகராட்சிப் பள்ளியில் படித்து வரும் 10 மாணவிகளைக் காணவில்லை என்றுபோலீஸில் புகார் தரப்பட்டுள்ளதால் நகரில் பெரும் பரபரப்பு ஏற்பட்டுள்ளது.

சென்னை அயனாவரம், செக்ரடேரியேட் காலனி பகுதியில் மாநகராட்சிப் பள்ளி உள்ளது. இங்கு படிக்கும் 4மாணவர்களும், 5 மாணவிகளும் நேற்று முதல் காணவில்லை என அவர்களது பெற்றோர் போலீஸில் புகார்கொடுத்துள்ளனர்.

இதையடுத்து இணை ஆணையர் சைலேந்திரபாபு உத்தரவின் பேரில் தனிப்படை அமைக்கப்பட்டு தீவிர தேடுதல்வேட்டை நடந்தது. அப்போது, இந்த 9 மாணவ, மாணவியரும், லீலாவதி என்ற தங்களுடன் படிக்கும் மாணவியின்வீட்டுக்குச் சென்றது தெரிய வந்தது.

இதையடுத்து லீலாவதியின் தாயாரிடம் போலீஸார் விசாரணை நடத்தினர். அப்போது 9 மாணவ, மாணவியரும்,லீலாவதியும் சாதாரண உடையில் வெளியே சென்றதாகவும் இன்னும் வரவில்லை என்றும் அவர் தெரிவித்துள்ளார்.

மேலும், 9 மாணவ, மாணவியரும் தங்களது வீடுகளில் பெற்றோர் கொடுமைப்படுத்தி வருவதாக தன்னிடம்தெரிவித்ததாகவும் லீலாவதியின் பெற்றோர் தெரிவித்தனர்.

போலீஸாரின் தீவிர விசாரணையில் 10 பேரும் கோவைக்கு சென்றதாக தகவல் கிடைத்துள்ளது. இதையடுத்துபோலீஸ் படை கோவை விரைந்துள்ளது. 10 பேரும் ஊட்டிக்குச் சென்றிருக்கலாம் என போலீஸார்சந்தேகிக்கின்றனர்.