பாஜக கொறடாவானார் திருநாவுக்கரசர்

டெல்லி:

பாஜகவின் மாநிலங்களவை கொறடாவாக முன்னாள் அமைச்சர் திருநாவுக்கரசர் நியமிக்கப்பட்டுள்ளார்.

கடந்த மக்களவைத் தேர்தலுக்கு முந்தைய தேர்தலில் திருநாவுக்கரசர் புதுக்கோட்டை தொகுதியில் போட்டியிட்டுவெற்றி பெற்றார். அதன்பின் பாஜகவில் இணைந்து மத்திய அமைச்சராகவும் ஆனார்.

ஆனால் கடந்த மக்களவைத் தேர்தலில் புதுக்கோட்டை தொகுதியை கூட்டணிக் கட்சியான பாஜகவுக்கு ஒதுக்கஅதிமுக மறுத்துவிட்டது. அதனால் திருநாவுக்கரசர் போட்டியிட முடியாமல் போனது.

இதையடுத்து நடந்த மாநிலங்களவைத் தேர்தலில் மத்தியப் பிரதேசத்தில் போட்டியிட்டு வெற்றி பெற்றார்.

இந் நிலையில் திருநாவுக்கரசரை மாநிலங்களவை பாஜக கொறடாவாக அக் கட்சியின் பாராளுமன்ற குழுத்தலைவர்அடல் பிஹாரி வாஜ்பாய் நியமித்துள்ளார்.