இன்று பிஇ ரேங்க் பட்டியல்

சென்னை:

உயர்நீதிமன்றத் தீர்ப்பை அடுத்து நுழைவுத் தேர்வு விடைத்தாள்கள் மீண்டும் திருத்தப்பட்டு, பொறியியல்மாணவர்களுக்கான ரேங்க் பட்டியல் இன்று வெளியிடப்படுகிறது.

மாணவர் சேர்க்கைக்கான கவுன்சலிங் வரும் 10ம் தேதி தொடங்குகிறது. திருத்தப்பட்ட நுழைவுத் தேர்வுமதிப்பெண்கள் விவரமும் ரேங்க் பட்டியலும் www.annauniv.edu

என்ற இணைய தளத்திலும் அண்ணாபல்கலைக்கழக அறிவிப்புப் பலகையிலும் வெளியிடப்படும்.

வரும் 18ம் தேதி அண்ணா பல்கலைக்கழகத்திலும் 25ம் தேதி அரசு மற்றும் அரசு உதவி பெறும் கல்லூரிகளிலும்,அடுத்த மாதம் 6ம் தேதி சுயநிதிப் பொறியியல் கல்லூரிகளிலும் முதலாண்டு வகுப்புகள் தொடங்கும்.

காலதாமதம் ஏற்பட்டதால், தேவைப்பட்டால் மாணவர்களுக்கு சனிக்கிழமைகளிலும் வகுப்புகள் நடத்தி இழப்பானநாள்கள் ஈடு செய்யப்படும். இத் தகவலை அண்ணா பல்கலைக்கழகத் துணைவேந்தர் பாலகுருசாமி தெரிவித்தார்.

ஊனமுற்ற மாணவர்களுக்கான பொறியியல் கவுன்சலிங் ஜூலை 2ம் தேதியும், டிப்ளமோ மாணவர்களுக்கானகவுன்சலிங் ஜூலை 3, 4 தேதிகளிலும் நடந்து முடிந்து விட்டது குறிப்பிடத்தக்கது.