இந்துத்துவம் என்றால் மதச்சார்பின்மை: பாஜக விளக்கம்

சென்னை:

திமுக தலைவர் கருணாநிதி இந்துக்களை தொடர்ந்து தாக்கிப் பேசி வருவதற்கு அகில இந்திய பாஜக செயலாளர்இல.கணேசன் எதிர்ப்பு தெரிவித்துள்ளார்.

இதுதொடர்பாக அவர் வெளியிட்டுள்ள அறிக்கையில், இந்த தேசத்தை மதமோ, மொழியோ, உணவு, உடைப்பழக்க வழக்கங்களோ ஒருமைப்படுத்தவில்லை, நமது பண்பாடுதான் ஒருமைப்படுத்துகிறது.

இந்துஸ்தானத்தின் இந்த தேசியத் தன்மைக்கு இந்துத் தன்மை என்று பெயர். இந்துத் தன்மையின் ஒரு அம்சம்தான்எம்மதமும் சம்மதம் என்பது. மற்றொரு அம்சம் யாதும் ஊரே யாவரும் கேளீர்.

உண்மையான மதசார்பற்ற தன்மையின் மறு பெயர் இந்துத்தன்மை அல்லது இந்துத்துவம். இதை புரிந்துகொள்ளாமல், ஏதோ இந்தியா என்பது மத அடிப்படையில் இந்து நாடு என பிரசாரம் செய்வது போல தவறானகண்ணோட்டத்துடன் திமுகவினரும், அவர்களின் தலைவர் கருணாநிதியும் தொடர்ந்து விமர்சனம் செய்வதுசரியானதல்ல, பொருத்தமானதும் அல்ல என்று கூறியுள்ளார் அவர்.