பழம்பெரும் நடிகர் ராமதாஸ் கவலைக்கிடம்

சென்னை:

எம்ஜிஆர் படங்களில் வில்லனாக நடித்துள்ள பழம்பெரும் நடிகர் எஸ்.வி.ராமதாஸ் கவலைக்கிடமாக உள்ளார்.

எம்.ஜி.ஆர். நடித்த ஆயிரத்தில் ஒருவன், படகோட்டி, ஆசைமுகம் உள்ளிட்ட பல படங்களில் வில்லனாகநடித்துள்ளவர் எஸ்.வி.ராமதாஸ். சுமார் 700க்கும் மேற்பட்ட படங்களில் நடித்துள்ளார் ராமதாஸ்.

ஜெயலலிதாவுடனும் சில படங்களில் ராமதாஸ் நடித்துள்ளார். ரஜினி படங்களிலும் பின்னர் அவர் நடித்துள்ளார்.கடைசியாக அவர் நடித்த படம் சரத்குமாரின் மூவேந்தர்.

83 வயதாகும் ராமதாஸுக்கு சமீபத்தில் உடல் நலக்குறைவு ஏற்பட்டு தனியார் மருத்துவமனையில் சிகிச்சை பெற்றுவந்தார். ஆனால் அவரது உடல் நிலை மோசமடைந்தது. இதையடுத்து வீட்டுக்கு அழைத்துச் செல்லுமாறுமருத்துவர்கள் கூறி விட்டனர்.

இதனால் வளசரவாக்கத்தில் உள்ள ராமதாஸின் மகன் வீட்டுக்கு அவர் கொண்டு செல்லப்பட்டார். அவரைநடிகர்கள் நாகேஷ், ஆர்.எஸ்.மனோகர் உள்ளிட்டவர்கள் பார்த்தனர். நடிகர் பார்த்திபன், ரூ. 10,000 நிதியுதவிஅளித்தார்.