வில்லன் நடிகர் எஸ்.வி.ராமதாஸ் மரணம்

சென்னை:

பழம்பெரும் வில்லன் நடிகர் எஸ்.வி.ராமதாஸ் இன்று மரணமடைந்தார்.

ஆயிரத்தில் ஒருவன், வீரத் திருமகன், படகோட்டி, ஆசைமுகம், கொஞ்சும் சலங்கை, மூவேந்தர் உள்பட 700படங்களில் நடித்தவர் எஸ்.வி.ராமதாஸ் (83).

கடந்த சில மாதங்களாக உடல் நலம் சரியில்லாமல் அவதிப்பட்டிருந்த அவர், சிகிச்சைக்காக தனியார்மருத்துவமனையில் சேர்க்கப்பட்டிருந்தார். அங்கு தீவிர சிகிச்சை அளித்தும் உடல் நிலை தேறாததால் திரும்பவும்வீட்டுக்கு அழைத்து செல்லப்பட்டார்.

வளசரவாக்கத்தில் உள்ள அவரது மகன் வீட்டில் சுயநினைவு இல்லாமல் படுக்கையில் இருந்த எஸ்.வி.ராமதாஸ்,இன்று காலை 11 மணிக்கு உயிரிழந்தார். அவரது இறுதி சடங்கு நாளை காலை சென்னையில் நடக்கிறது.

ராமதாசின் மருத்துவ செலவுக்காக முதல்வர் ஜெயலலிதா ரூ.1.04 லட்சமும், பார்த்திபன் ரூ.10,000ம் வழங்கியதுகுறிப்பிடத்தக்கது.