விஜயகாந்துக்கு பாஜக தார்மீக ஆதரவு: சி.பி.ஆர்.

சென்னை:

நடிகர் விஜயகாந்துக்கு பாஜக தார்மீக ஆதரவு அளிக்கும் என்று அக் கட்சியின் மாநிலத் தலைவர் தலைவர் சி.பி.ராதாகிருஷ்ணன் கூறினார்.

விஜயகாந்துடனான சந்திப்பு குறித்து சி.பி.ராதகிருஷ்ணன் கூறியதாவது:-

விஜயகாந்தை நான் சந்தித்து பேசியது மரியாதை நிமித்தமானது. பாமகவுக்கும் அவருக்கும் ஏற்பட்ட பிரச்சினைகுறித்து விவாதித்தோம்.

விஜயகாந்த் படம் எடுக்கிறார்; நடிக்கிறார்; படத்தை வெளியிடுகிறார். இதைத் தடுக்க ராமதாசுக்கு என்ன அதிகாரம்இருக்கிறது?

விஜயகாந்துக்கு பாஜகவின் தார்மீக ஆதரவு உண்டு. தொடர்ந்து ஆதரவு கொடுப்போம்.

அவர் பா.ஜனதாவில் சேருவது பற்றி நான் பேசவில்லை. புதிய கட்சியும் தொடங்குவது பற்றி என்னிடம் அவர்ஏதும் ஆலோசிக்கவில்லை என்று கூறினார்.

விஜயகாந்த் பேட்டி:

சி.பி. ராதா கிருஷ்ணனுடனான சந்திப்பு குறித்து விஜயகாந்த் கூறியதாவது:

நண்பர் வீட்டு திருமணத்துக்கு வந்த அவர், அப்படியே என்னை நட்பு ரீதியில் சந்தித்து பேசினார்.

பொதுவான அரசியல் நிலவரம் குறித்து பேசினோம். சினிமா, நாட்டு நடப்புகள் பற்றியும் பேசினோம். கட்சிதொடங்குவது குறித்து அவரிடம் ஏதும் பேசவில்லை.

கஜேந்திரா படத்திற்கு எந்த பிரச்சினையும் இல்லை. விரைவில் அந்த படம் வெளி வரும் என்று கூறினார்.